नेप्सेले ८३ प्रतिशत हकप्रदपछि फाइनान्स कम्पनीको प्रतिकित्ता सेयरमूल्य २५६ रुपैयाँ निर्धारण गरेको छ । यहि मूल्यलाई आधार मानि आइतबार कम्पनीको सेयर कारोबार सूचारु भएको हो । फाइनान्सको औसत आधार मूल्य ३०१ रुपैयाँँ रहेको छ ।
फाइनान्सले १० बराबर ८ दशमलव ३ कित्ता अनुपातमा माघ १५ गतेदेखि सिद्धार्थ क्यापिटल मार्फत एक सय रुपैयाँ अंकित दरका २८ लाख ६७ हजार २२५ दशमलव ६२ कित्ता हकप्रद सेयर बिक्री गर्न लागेको हो ।
पुस २६ गतेसम्म कायम सेयरधनीले फाइनान्सको हकप्रदमा आस्वा सदस्यमा सहभधागि बैंक तथा वित्तीय संस्थाका साथै बिक्री प्रबन्धक सिद्धार्थ क्यापिटल नक्साल तथा श्री इन्भेष्टमेन्ट फाइनान्सको केन्द्रीय कार्यालय डिल्लीबजार र अन्य सबै शाखाबाट फागुन २० गतेसम्म आवेदन गर्न सक्नेछन् ।
३४ करोड ५४ लाख रुपैयाँ चुक्ता पूँजी रहेको फाइनान्सको हकप्रद बिक्रीपछि ६३ करोड २१ लाख रुपैयाँ पुग्नेछ । चालु आवको पहिलो त्रैमासमा फाइनान्सले एक करोड २३ हजार रुपैयाँ खुद नाफा कमाएर प्रतिसेयर आम्दानी ११ रुपैयाँ ६१ पैसा कायम गरेको छ ।
