बैंक सञ्चालक समितिको पुस २८ गते बसेको सञ्चालक समितिको बैठकले गत बर्षको मुनाफाबाट आफ्ना सेयरधनीलाई ९ प्रतिशत नगद लाभांश वितरण गर्ने प्रस्ताव गरेको छ । जस अनुसार बैंकका सेयरधनीले एक कित्ता सेयर बराबर ९ रुपैयाँ नगद लाभांश पाउनेछन् ।
बैंकले गत आर्थिक बर्षमा ७० करोड ९१ लाख खुद नाफा कमाएको थियो ।
यती डेभलपमेन्ट बैंकलाइ गाभेको महालक्ष्मी विकास बैंक बैंकको चुक्ता पूँजी दुई अर्ब ६३ करोड पुगिसकेको छ । जसको जगेडाकोषमा १ अर्ब ९ करोड रहेको छ । राष्ट्र बैकका अनुसार राष्ट्रियस्तरका विकास बैंकले दुई अर्ब ५० करोड चुक्ता पूँजी पुर्याउनु पर्ने हुन्छ ।
चालु आर्थिक बर्षको पहिलो त्रैमास अर्थात असोज मसान्तसम्ममा भने बैंकको सञ्चालन मुनाफा २ करोड ४५ लाख ऋणात्मक रहेको छ भने सो अवधिमा बैंकले ५ करोड ६३ लाख रुपैया खुद नाफा आर्जन गरेको छ ।
