आइतबार नेप्से ९.१९ अंकले घटेर १४३१.१० अंकमा झरेको छ। १५२ कम्पनीका ६ लाख ७० हजार कित्ता शेयर ३२ करोड रुपैयाँमा कारोबार भएको छ । कारोबा रकम अघिल्लो कारोबार अर्थात गत बुधबारको तुलनामा ५ करोड कम हो । बुधबार ३७ करोड रुपैयाँको कारोबार भएको थियो।
बजारमा दिनप्रतिदिन सेयरको आपूर्ति बढ्दै जाँदा पनि बजारले गति लिन सेकको छैन । अघिल्लो साता मात्र नेप्सेमा ३७ लाख बढी कित्ता सेयर थपिएको थियो । अझै गतबर्षको बोनस तथा हकप्रद सेयरहरु समेत थपिने क्रममा रहेको छ ।
यहि समयमा केही कम्पनीहरुले प्राथमिक निष्कासन गरेका छन् । ती कम्प्नीहरुमा पनि लगानीकर्ताको ठूलो रकम गएको छ । यसअघि पुष महिनामै निष्कासन भएको राधी विद्युत, उन्नत्ती माइक्रोफाइनान्सको आइपीओ तथा प्रिमियर इन्स्योरेन्सको एफपीओमा लगानीकर्ताको ठुलै रकम होल्ड भएको छ । त्यसैगरी एनआइसि एसिया बैंकले बिक्री गरेको तीन अर्बको ऋणपत्रमा पनि दोस्रो बजारको रकम लगानी हुँदा पनि दोस्रो बजारको कारोबार कम भएको देखिन्छ ।
साथै केही म्युचुअल फण्डहरु पनि बजारमा आउने तयारीमा रहेका छन् । माघ २ गतेबाट मात्रै एक अर्ब रुपैयाँ बराबरको एनआइसि एशिया ग्रोथ फण्डको बिक्री खुल्दैछ । त्यस्तै माघ ९ गतेबाट सामुदायिक लघुवित्तको आइपीओ खुल्दैछ । प्राथमिक बजारका लागि पनि लगानीकर्ताले रकमको जोहो गर्दा कारोबारमा कमी आएको देखिन्छ ।
त्यस्तै हालसालै खुलिरहेका हकप्रद तथा लिलामीबजारमा पनि लगानीकर्ताको रकम उत्तिकै मात्रमा परिचालन हुने हुँदा दोस्रोबजारको कारोबारमा उत्साह कमी देखिएको छ ।
यसदिन कारोबार आएका नौ समुहमध्ये समूह मात्र बढेका छन् । वाणिज्य बैंक ८.८, होटल २५.९८, विकास बैंक २०.७९, फाइनान्स ९.७६, बीमा ९७.७९, उत्पादन मुलक ४८.५१ र लघुवित्त २६.३ अंकले घटेका छन्। जलाबिद्युत ५५.३७ र अन्य ३.६६ अंकले बढेका छन्।
पुस मसान्तमा सेयर कारोबारमा कमी आउँदा लगानीकर्ता अबको ध्यान कम्पनीहरुले प्रकाशीत गर्ने दोस्रो त्रैमासको वित्तीय विवरण तर्फ पुगेको छ । माघ महिना लागेपछि कम्पनीहरुले दोस्रो त्रैमासको वित्तीय विवरण प्रकाशित गर्न थाल्नेछन् ।
सबैभन्दा बढी फरवार्ड माइक्रोफाइनान्सको एक करोड ९३ लाख रुपैयाँको कारोबार भएको थियो।
इसदिन चिलिमे जलबिद्युत कम्पनीको शेयरमूल्य सबैभन्दा बढी करिब सात प्रतिशत बढेको छ । सेन्ट्रल फाइनान्सका शेयरधनीले करिब सात प्रतिशत गुमाए।
