गत आवको दोस्रो त्रैमासिक अवधिको तुलनामा लघुवित्तले खुद नाफा ४१.५३ प्रतिशतले वृद्धि गरेको छ । गतबर्षको दोस्रो त्रैमासमा लघुवित्तको खुद नाफा ३ करोड ३६ लाख ९९ हजार रुपैयाँ रहेको थियो ।
समिक्षा अवधिमा लघुवित्तको खुद व्याज आम्दानी तथा संचालन मुनाफा आएको बढोत्तरीले खुद नाफा बढेको हो । ४५ करोड ६२ लाख रुपैयाँ चुक्ता पूँजी रहेको फर्स्ट माईक्रोको जगेडाकोषमा ११ करोड ९३ लाख रुपैयाँ रहेको छ ।
कम्पनीको निष्कृय कर्जा अनुपात शून्य प्रतिशत रहेको छ । दोस्रो त्रैमासिक अवधिमा लघुवित्तले आठ करोड पाँच लाख रुपैयाँ खुद ब्याज आम्दानी तथा ९ करोड ३६ लाख रुपैयाँ सञ्चालन नाफा गर्न सफल भएको छ ।
......{फर्स्ट माइक्रोफाइनान्सले हकप्रद जारी गर्न तोक्यो बुक क्लोज.}...
कम्पनीको प्रतिशेयर आम्दानी २० रुपैयाँ ९१ पैसा रहेको छ । लघुवित्तको प्रतिसेयर नेटवर्थ १२६ रुपैयाँ सत्र पैसा, तरलता अनुपात १२.६५ प्रतिशत र मूल्य आम्दानी अनुपात ४०.१८ गुणा बढी रहेको छ ।
लघुवित्तले गतबर्षको मुनाफाबाट १५ प्रतिशत बोनस वितरण गरेको थियो। अहिले कम्पनी ५० प्रतिशत हकप्रद बिक्रीको तयारीमा छ । हकप्रद बिक्रीका लागि कम्पनीले माघ ९ गते सेयरधनी किताब बन्द गर्ने भएको छ । यस आधारमा माघ ८ गतेसम्म कम्पनीको सेयरधनी कायम रहेकाले हकप्रदमा आवेदन गर्न पाउनेछन् ।
हाल ४५ करोड ६२ लाख ६३ हजार रुपैयाँ चुक्ता पुँजी रहेको फस्र्टको हकप्रद जारी पश्चात ६८ करोड ४३ लाख ९४ हजार रुपैयाँ चुक्ता पूँजी पुग्नेछ ।