बैंकले हाल कायम चुक्तापुँजी २ अर्ब ५ करोड ८२ लाख रुपैयाँको १५ प्रतिशत अर्थात दश बराबर एक दशमलव पाँच अनुपातमा ३० लाख ९४ हजार १५४ दशमलव ७७ कित्ता सेयर विक्री गर्न लागेको हो । हकप्रदमा बिक्री प्रबन्धकको काम एनएमबि क्यापिटलले गर्नेछ ।
कामना र सेवा विकास बैंक गत साउन २० गतेबाट एक भई एकिकृत कारोबार थालेका थिए । राष्ट्र बैंकले तोकेको पूँजी कायम गर्न बोनसले मात्र संम्भव नभएपछि बैंकले हकप्रदको बाटो समातेको थियो । मर्जरमा जानु अघि पनि कामना विकास बैंकको ३० प्रतिशत र सेवाले १२० प्रतिशत हकप्रद सेयर बिक्री गरेका थिए ।
राष्ट्रिय स्तरको विकास बैंक हुन बैंकले चुक्तापुँजी बढाएर २ अर्ब ५० करोड रुपैयाँ पुर्याउनुपर्छ । हकप्रद जारीपश्चात बैंकको चुक्ता पूँजी २ अर्ब ३६ करोड ७६ लाख रुपैयाँ पुग्नेछ । बाँकी रकम बैंकले बोनस वितरण गरेर कायम गर्नेछ ।
चालू आवमा बैंकले २० लाख ६७ हजार खुद नाफा कमाएर प्रतिसेयर आम्दानी १० पैसा कायम गरेको छ । बैंकको सेयरमूल्य मंगलबार प्रतिकित्ता सेयरमूल्य १६९ रूपैयाँ हाराहारी रहेको छ ।
