भाईबर बैकिङ सुबिधा लिनको लागि भाइबर एल्पिकेसनमार्फत एन आई सी एशिया बैंकको पब्लिक एकाउन्टलाई प्रयोग गरी आवश्यक जानकारी लिन सक्नुहुनेछ ।
यो सेवामार्फत ग्राहकहरुले बैंकको शाखा कार्यालय तथा एटिएम संञ्जालबारे जानकारी, कर्जाका लागि योग्यता जाँच, अनलाइन खाता खोल्ने, बैंकिङ समय, बिदेशी बिनिमयदर, ब्याजदर एवं बैंक सम्बन्धि अन्य आवश्यक जानकारी सजिलै प्राप्त गर्न सकिनेछ ।
त्यस्तै बैंकको मोबाइल बैकिङ सेवामा रजिष्टर भएका ग्राहकले भाइबर बैकिङ सेवामार्फत आफ्नो खाताको सम्पूर्ण जानकारी सजिलै प्राप्त गर्न सकिने बैंकका सहायक प्रमुख कार्यकारी अधिकृत रोशन कुमार न्यौपानेले जानकारी दिए ।
शाखा सञ्जाल, पूँजी संरचना, वासलातको आकार, ग्राहक संख्याको आधारमा निजी क्षेत्रको अग्रणी बैंकहरु मध्येको यस बैंकका देशभर १५७ शाखा कार्यालयहरु, १४१ एटिएम एवं चार एक्स्टेन्सन काउन्टरमार्फत आफ्ना ग्राहकलाई सेवा प्रदान गर्दै आएको छ ।
बैंकले विभिन्न स्थानहरुमा चाँडै थप शाखा संचालन गर्ने योजना अगाडि बढाएको जनाएको छ ।