बैंकको संचालन मुनाफा, खुद ब्याज आम्दानी, विदेशी मुद्राको कारोबार लगायतमा भएको सुधारले नाफा बढेको हो । तर बैंकको पूँजीको आकार बढेको तुलनामा आम्दानी नबढ्दा प्रतिसेयर आम्दानी खस्केको हो।
बैंकले पुष महिनाको अन्त्यसम्ममा ८२ करोड ४७ लाख रुपैंया खुद नाफा कमाएको छ । गत आर्थिक वर्षको यसै अवधिमा बैंकले ६२ करोड २४ लाख रुपैंया खुद नाफा कमाएको थियो ।
समीक्षा अवधिमा बैंकको खुद नाफा २० करोड रुपैंयाले बढेको हो । बैंकको खुद नाफामा देखिएको यो वृद्धि ३२.५ प्रतिशत हो । बैंकको खुद नाफा बढेपनि प्रतिसेयर आम्दानी भने केही खस्किएको छ । बैंकको प्रतिसेयर आम्दानी २० रुपैंया ५६पैसा छ । गतबर्ष बैंकको प्रतिसेयर आम्दानी २३ रुपैंया ६५ पैसा थियो ।
समीक्षा अवधिमा बैंकको चुक्ता पूँजी ५ अर्ब ३० रुपैंयाबाट बढेर ८ अर्ब १२ लाख पुगेको छ भने समीक्षा अवधिमा जगेडा कोषको आकार १ अर्ब ४१ करोड रुपैंयाँबाट बढेर १ अर्ब ८८ करोड पुगेको छ ।
निक्षेप संकलन तथा कर्जा विस्तारमा सुधार गरेको बैंकको खराब कर्जा थोरै बढेको छ । गतबर्षको यसै अवधिमा ०.१ प्रतिशत रहेको खराबकर्जा ०.३ प्रतिशत पुगेको छ । बैकले जोखिम व्यवस्थापनका लागि ११ करोड रुपैयाँ राखेको छ भने यसअवधिमा ७४ लाख खराब कर्जा असुली गरेको छ ।
बैंकले यसअवधिमा ६८ अर्ब ३९ करोड निक्षेप संकलन गरेर ६० अर्ब ५२ करोड कर्जा परिचालन गरेर एक अर्ब ३३ करोड खुद ब्याज आम्दानी गरेको छ ।
बैंकको प्रतिसेयर नेटवर्थ १२३ रुपैंया ५५ पैसा तथा मूल्य आम्दानी अनुपात १६.५४ गुणाले बढी छ । बैंकको कर्जा पूँजी निक्षेप अनुपात ७८.९९ प्रतिशत रहेको छ । यसले बैंकले निक्षेप नबढाई धेरै कर्जा विस्तार गर्न सक्ने अवस्था देखिदैन । अर्कातर्फ बैंकको कोषको लागत समेत ४.०९ प्रतिशतबाट बढेर ७.२४ प्रतिशत पुगेको छ । यसको मतलब बैंकले सस्तोदरमा कर्जा उपलब्ध गराउन नसक्ने देखिन्छ । बैंकको आधार ब्याजदर ९.७१ प्रतिशत पुगेको छ ।