आर्थिक बर्ष २०७३/७४ मा कमाएको नाफाबाट कर्पोरेशनले ५१ औं बार्षिक साधारण सभामा २५ प्रतिशत बोनस र ५ प्रतिशत नगद लाभांश वितरण गर्ने प्रस्ताव गरेको हो ।
काठमाडौंको कालिमाटीमा केन्द्रीय कार्यालय रहेको यस कम्पनीको चुक्ता पूँजी ९ करोड ८१ लाख ८४ हजार ३०० रुपैयाँ रहेको छ । बोनस पश्चात कम्पनीको चुक्ता पूँजी १२ करोड २७ लाख ३० हजार ३७५ रूपैयाँ पुग्नेछ ।
साल्ट टेड्रिङमा सर्वसाधारणको लगानी २१ प्रतिशत तथा सरकारको ७९ प्रतिशत लगानी रहेको छ । कम्पनीको सेयर अन्तिम पटक २०७४ मंसिर २७ गते नेप्सेमा प्रतिकित्ता २७० रुपैयाँमा कारोबार भएपछि त्यस यता कारोबार हुन सकेको छैन ।
