गत आर्थिक बर्षको दोस्रो त्रैमासमा १५ करोड ९५ लाख रुपैयाँ खुद नाफा कमाएको गरिमाको नाफा बढेर १८ करोड पाँच लाख रुपैयाँ पुगेको छ ।
दुई अर्ब ५३ करोड चुक्ता पूँजी रहेको गरिमाको १५ प्रतिशत बोनस वितरण पश्चात जगेडा कोष घटेर ४६ करोड ९९ लाखमा झरेको छ । पहिलो त्रैमासको अन्त्यमा बैंकको जगेडा कोष ६७ करोड २४ लाख रुपैयाँ रहेको थियो ।
समिक्षा अवधिमा बैंकले १७ अर्ब ४० करोड रुपैयाँ निक्षेप संकलन गरेर १५ अर्ब ७५ करोड रुपैयाँ कर्जा परिचालन गरेको छ । व्याज खर्च दोब्बर बढ्दा बैंकको खुद व्याज आम्दानीमा साढे २७ प्रतिशतको मात्र वृद्धि देखिएको छ । बैंकले ४३ करोड ७९ लाख रुपैयाँ खुद व्याज आम्दानी गरेको छ ।
कर्मचारी खर्च र अन्य सञ्चालन खर्च कटौतीमा गरिमा चुकेको छ । कर्मचारी खर्च ८४ र अन्य सञ्चालन खर्च ४० प्रतिशत बढीले बढेका छन् । बैंकले खराब कर्जा नोक्सानी लागि पाँच करोड ६० लाख व्यवस्था गर्दा ३४ लाख ४० हजार रुपैयाँ राइट व्याक गरेको छ ।
निष्कृय कर्जा अनुपातलाई ०.४७ प्रतिशतमा कायम गरेको गरिमाको प्रतिसेयर आम्दानी १४ रुपैयाँ २५ पैसा छ भने प्रतिशेयर नेटवर्थ ११८ रुपैयाँ ५४ पैसा रहेको छ । कम्पनीको मूल्य आम्दानी अनुपात १३.६२ गुणा बढी रहेको छ जुन औसत हो ।
