रिलायबल माइक्रोफाइनान्सले दोस्रो त्रैमाससम्ममा ७४ लाख ७० हजार खुद मुनाफा गरेको छ । यो गत आर्थिक वर्षको सोही अवधिभन्दा ३.७७ प्रतिशत बढी हो । कम्पनीको सञ्चालन मुनाफा र खुद ब्याज आम्दानी घटेपनि खराब कर्जा संकलन गर्न सफल भएपछि खुद नाफा बढ्न टेवा पुगेको हो ।
कम्पनीको खुद ब्याज आम्दानी २.५ प्रतिशतले घटेको छ भने सञ्चालन मुनाफा १५.२६ प्रतिशतले घटेको छ । माइक्रोफाइनान्सले यो अवधिमा २ करोड ५१ लाख खुद ब्याज आम्दानी गरेको छ, यस्तो आम्दानी अघिल्लो वर्ष २ करोड ५८ लाख रहेको थियो ।
समीक्षा अवधिमा यो माइक्रोफाइनान्सले २४ करोड १४ लाख निक्षेप संकलन गरी ६१ करोड ६६ लाख सापटी लिई ६६ करोड ३१ लाख कर्जा परिचालन गरेको छ ।
निष्क्रिय कर्जा १.३० प्रतिशत रहेको कम्पनीले यसअवधिमा २१ लाख ५५ हजार खराब कर्जा संकलन गर्न गरेको उठाएको छ ।
अघिल्लो वर्ष यही अवधिमा ११ करोड ९२ लाख निक्षेप संकलन तथा ३८ करोड २९ लाख सापटी लिई ३९ करोड ९० लाख कर्जा प्रवाह गरेको थियो ।
कम्पनीको प्रतिसेयर आम्दानी १५ रुपैयाँ ५५ पैसा, प्रतिसेयर नेटवर्थ १२३.२८ रुपैया, मूल्य आम्दानी अनुपात १००.२८ पुगेको छ।
