फाइनान्स कम्पनीले यस अवधिमा तीन अर्ब ९४ करोड निक्षेप संकलन गरि तीन अर्ब ७० करोड कर्जा प्रवाह गरेको छ । फाइनान्सको निक्षेप पौन ६९ करोड र कर्जा विस्तार साढे ६७ करोड रुपैयाँले बढेको हो । ६ करोड व्याज आम्दानी बढ्दा खर्च ८ करोडले बढेपछि खुद व्याज आम्दानी दुई करोडले घटेर ७ करोड ४० लाखमा सीमित भएको छ । गत बर्ष ९ कराेड २९ लाख खुद व्याज अाम्दानी रहेकाे थियाे ।
फाइनान्सले शुल्क, कमिसन र अन्य आम्दानी शिर्षकमा बढाएको कमाइलाई सकरात्मक पक्ष मान्न सकिएपनि कर्मचारी खर्च र अन्य खर्चमा आएको वृद्धि र संम्भावित कर्जा नोक्सानी दोब्बर बढ्दा त्यसको प्रतक्ष्य असर खुद नाफामा देखिएको छ ।
एफपिओ विक्रीबाट ९ करोड ८३ लाख रुपैयाँ चुक्ता पूँजी बढाएर ६५ कराेड ५७ लाख रहेकाे फाइनान्सको जगेडा कोष भने एक करोड ७६ लाखबाट चार करोड १७ लाख पुगेको छ । पूँजी कोष पाँच प्रतिशतले बढेर २५.४८ प्रतिशत कायम हुँदा कोषको लागत र आधार व्याजदर दुबै तीन प्रतिशतले बढेको छ । जसले कम्पनीमा कर्जाकाे व्याजदर बढाएकाे छ ।
पाेखराकाे अन्य सूचकहरु प्रतिसेयर आम्दानी १२ रुपैयाँ ३० पैसा, प्रतिसेयर नेटवर्थ १५९ रुपैयाँ ३१ पैसा, र निष्कृय कर्जा अनुपात १.३२ प्रतिशत छ । अबका दिनमा फाइनान्स कम्पनीले आम्दानीको स्रोतलाई फराकिलो बनाउँदै नजाने हो भने प्रतिसेयर आम्दानीमा थप संकुचन आउने निश्चित छ ।
