सिभिल बैंकले हाल कायम चुक्ता पूँजीको ४० प्रतिशत बराबरको २ करोड ७ लाख ४० हजार ८८७ कित्ता हकप्रद शेयर मंसिर २२ गतेदेखि बिक्री खुला गरेको हो ।
बैंकले हकप्रद सेयर मंसिर ४ गते सोमबारसम्म कायम सेयरधनीले मात्र आवेदन दिन सक्नेछन ।
बैंकको सेयर बिक्री प्रबन्धक लक्ष्मी क्यापिटल रहेको छ । सेयरधनीले बैंककको हकप्रद लक्ष्मी क्यापिटलको कार्यालय नयाँ बानेश्वर, सिभिल क्यापिटलको कार्यालय सुन्धारा, सिभिल बैंकका सबै शाखा, र आस्वा सदस्य बैंक तथा वित्तीय संस्थाबाट ७५ जिल्लाबाटै आवेदन गर्न सक्नेछन् ।
५ अर्ब १८ करोड चुक्तापूँजी रहेको बैकको हकप्रदपछि चुक्तापूँजी ७ अर्ब २५ करोड ९३ लाख १० हजार ३६२ रुपैयाँ पुग्नेछ ।
रिलायन्स फाइनान्सको पनि हकप्रद भर्ने आजै अन्तिम दिन
रिलायन्स फाइनान्सले १० बराबर ४ दशमलव ५ कित्ता अनुपातमा २३ लाख ६ हजार ५७१ कित्ता हकप्रद मंसिर २२ गतेदेखि खुला गरेको थियो ।
रिलायन्सको सेयर निष्काशन तथा बिक्री प्रबन्धक सनराइज क्यापिटल रहेको छ ।
मंसिर ७ गतेसम्म कायम रहेका सेयरधनीले हकप्रदमा विक्री प्रबन्धकको कार्यालय कमलपोखरी, रिलायन्स फाइनान्स प्रदशनीमार्ग, न्युरोड काठमाण्डौं, महेन्द्रपुल पोखरा, नारायणगढ, बेशीशहर, जनागाल काभ्रे, आरुघाट गोरखा र चारआली झापा मार्फत समेत आवेदन गर्न सम्नेछन् ।
त्यस्तै उपत्यका बाहिर सनराइज बैंकको शाखा कार्यालयहरु विराटनगर, वीरगञ्ज, बुटवल, धरान, नेपालगञ्ज, लाहन, दमक र राजविराजबाट समेत आवेदन गर्न सकिने क्यपिटलले जनाएको छ ।
५१ करोड २५ लाख रुपैयाँ चुक्ता पूँजी रहेको रिलायन्सको हकप्रदपछि ७४ करोड ३२ लाख रुपैयाँ पुग्नेछ। हकप्रदपछि गत आर्थिक बर्षको नाफाबाट ६ करोड रुपैयाँको बोनस वितरण गर्दा फाईनान्सको चुक्ता पूँजी राष्ट्र बैंकले तोकेको ८० करोड रुपैयाँ पुग्नेछ ।