सिद्धार्थ इन्स्योरेन्स (SIL) ले गत आर्थिक बर्षको नाफाबाट वितरण गरेको २० प्रतिशत बोनस कात्तिक १५ गतेसम्म सेयर डिम्याट गरेका सेयरधनीलाई उनीहरुको नै हितग्राही खातामा जम्मा गरिदिने जनाएको छ ।
हालसम्म पनि आफुसँग रहेको सेयर डिम्याट नगरेका सेयरधनीले भने डिम्याट गराएपछि मात्र बोनस वितरण गर्ने जनाउँदै सेयर अभौतिकिकरण (डिम्याट) गराउन कम्पनीले सूचना जारी गरेको छ ।
सिद्धार्थको कात्तिक २९ गते सम्पन्न १६ औं बार्षिक साधारण सभाले २० प्रतिशत बोनस प्रस्ताव अनुमोदन गरेको थियो ।
उता डिप्रोक्स लघुवित्त (DDBL) ले गत आर्थिक बर्षमा वितरण गरेको १५ प्रतिशत नगद लाभांश वितरण गर्न सेयरधनीलाई आफ्नो डिम्याट खाता खोलेको निक्षेप सदस्यमा सम्पर्क गरि बैंक खाता अद्यावधिक गर्न आग्रह गरेको छ ।
लघुवित्तले हालसम्म पनि डिम्याट खाता नखोलेका सेयरधनीलाई नजिकै रहेको निक्षेप सदस्य वा कम्पनीको सेयर रजिष्ट्रार एस क्यापिटलमा डिम्याट खाता खोलेर आफुसँग रहेको सेयर डिम्याट गराई बोनस तथा नगद लाभांश खातामा नै प्राप्त गर्न सूचित गरेको हो ।
साथै विगतमा वितरण गरिएको बोनस तथा नगद लाभांश संकलन नगरेका सेयरधनीलाई समेत क्यापिटलमा लाभांश संकलन गर्न भनेको छ ।
डिप्रोक्सकाे पुस २७ गते सम्पन्न १६ औं बार्षिक साधारण सभाले १६ प्रतिशत बोनस सेयर र १५ प्रतिशत नगद लाभांश वितरण प्रस्ताव अनुमोदन गरेको थियो । कम्पनीले बाेनस भने नेप्सेमा सूचीकृत गराएपश्चात सेयरधनीकाे हीतग्राही खातामा नै पठाउनेछ ।
