गत आर्थिक वर्षको यसै अवधिको तुलनामा बैंकको प्रतिसेयर आम्दानी ३ रुपैँयाँ ६७ पैँसा घटेको छ । बैंकको गत वर्ष १२ रुपैँया १४ पैसा रहेको प्रतिसेयर आम्दानी अहिले ८ रुपैंया ४७ पैसामा झरेको हो ।
बैंकले पुस मसान्तसम्ममा ३२ करोड ५१ लाख १ हजार रुपैंया खुद नाफा कमाएको छ । राष्ट्र बैंकको पूँजी योजना अनुसार विभिन्न संस्थालाई आफुमा गाभ्दा पनि बैंकको कमाईमा पूँजी बढे अनुसारको कमाई नदेखिएको हो । गत असोज महिनाको कमाईसँग दाँज्दा भने पूँजी बढेको हाराहारीमा बैंकको कमाई बढेको हो ।
बैंक सानो अवस्थामा अन्य संस्थासँग मर्जरमा नजाँदाको अवस्थासँग दाँज्ने हो भने बैंकको अहिलेको कमाईलाई ज्यादै सुस्त मान्नु पर्ने हुन्छ । गत आर्थिक वर्षको यसै अवधिमा साना संस्थाको सहयोग बिना नै सेञ्चुरीले २२ करोड ३९ लाख रुपैंया खुद नाफा कमाएको थियो । त्यस बेला उसको चुक्ता पूँजी ३ अर्ब ६८ करोड रुपैंया थियो । अहिले बैंकको चुक्ता पूँजी ७ अर्ब ६७ करोड रुपैंया छ ।
बैकले यस अवधिमा ७६ करोड खुद ब्याज आम्दानी गरेको छ । गत वर्षको यसै अवधिमा ५१ करोड ६० लाख खुद ब्याज आम्दानी गरेको थियो । गत वर्षको दोस्रो त्रैमासमा एक अर्ब २२ करोड ७९ लाख ब्याज आन्दानी गर्न गरेको यस बैंकले अहिले दुई अर्ब ६३ करोड ३३ लाख ब्याज आन्दानी गरेको छ ।
त्यसैगरी बैंकले गत आर्थिक वर्षको दोस्रो त्रैमासमा ७१ करोड १९ लाख रुपैंया ब्याजमा खर्च गरेकोमा अहिले त्यस्तो खर्च बढेर एक अर्ब ८७ करोड ३१ लाख पुगेको छ ।
यस अवधिमा बैंकको खराब कर्जा ०.४७ प्रतिशतबाट बढेर ०.९९ प्रतिशत पुगेको छ । बैंकको तरलता अनुपात २३.५५ प्रतिशतबाट बढेर २७.२८ प्रतिशत पुगेको छ ।
गत वर्षको तुलनामा बैंकले ३२ अर्ब ६७ करोड ५७ लाखबाट बढाएर ५२ अर्ब १७ करोड ७१ लाख रुपैँया निक्षेप संकलन गरेको छ ।
त्यसैगरी गत आवको यस अवधिमा बैंकले २९ अर्ब एक करोढ ६० लाख कर्जा प्रवाह गरेको थियो भने यस वर्ष ४७ अर्ब दुई करोड ४३ लाख रुपैंया कर्जा प्रवाह गरेको छ । यस अवधिमा बैंकको कर्मचारी खर्च १४ करोड १८ लाख रुपैँयाँबाट बढेर २० करोड नौ लाख पुगेको छ ।
