समीक्षा अबधिमा बैकको खुद नाफा ६० करोड १४ लाख ४७ हजार रुपैयाँबाट ५५ करोड १५ लाख ७९ हजार रुपैयाँमा सीमित भएको छ । लगानी अभावको असरले यस बैकलाई पनि छुँदा व्याज आम्दानीभन्दा व्याज खर्च अधिक बढेको देखिन्छ । जसका कारण समीक्षा अवधिमा बैंकको खुद ब्याज आम्दानी करीब ४६ हजारले घटेको देखिएको छ ।
बैकले संभावित जोखिममा २३ करोड ५९ लाख छुट्याएपछि बैकको सञ्चालन मुनाफा पनि समीक्षा अवधिमा घटेको छ । गत बर्षको दोश्रो त्रैमासमा ८६ करोड ५९ लाख ९८ हजार रुपैंया सञ्चालन नाफा गरेको बैंकले यो बर्षको दोश्रो त्रैमासमा आइपुग्दा ७५ करोड ६५ लाख ६३ हजार रुपैंयामा सीमीत भएको छ ।
बैंकले यो त्रैमासमा ६ करोड ८६ लाख ७५ हजार रुपैयाँ राइट ब्याक गरेपनि खुद नाफालाई बढाउन सकेन । दोश्रो त्रैमास सम्म आइपुग्दा बैंकले ७० अर्ब ४३ करोड ९८ लाख ६० हजार रुपैयाँ निक्षेप संकलन गरेको छ बैंकले ६४ अर्ब ६६ करोड ९४ लाख २३ हजार रुपैयाँ कर्जा लगानी गरेको छ ।
अहिले बैकको चुक्ता पुँजी ६ अर्ब २४ करोड ५३ लाख रुपैंया पुगेको छ भने जगेडा कोषमा ४ अर्ब ८९ करोड ७५ लाख रुपैंया सञ्चित छ । राष्ट्र बैंकले तोकेको आठ अर्ब पूँजी पुर्याउन बैंकले यही जगेडा कोषबाट बोनस बितरण गर्नुपर्ने हुन्छ ।
बैंकको खराब कर्जा अनुपात गत वर्षको तुलनामा बढेर ०.३५ अंकले बढेको छ । सिडी रेसियो राष्ट्रबैकले तोकेको ८० प्रतिशतलाई छुन लागेको छ । बैंकको सिडी अनुपात ७९.२४ प्रतिशत छ । यो अवस्थामा बैंकले थप कर्जा प्रवाह गर्न सक्ने आधार देखिँदैन । पूँजीकोष लागत पनि ४.१२ बाट बढेर ७.६ मा पुगेको छ ।
बैंकको प्रतिसेयर आम्दानी १७ रुपैयाँ ६६ पैसा छ भने प्रतिसेयर नेटवर्थ १७८ रुपैयाँ ४२ पैसा छ । बैकको दोश्रो त्रैमाससकिँदा सम्ममा तरलता अनुपात २६.३१ प्रतिशत रहेको छ ।