आईतबार ग्लोबल आईएमई बैंक, लक्ष्मी बैंक, काबेली विकास बैंक र सिद्धार्थ इन्स्योरेन्स कम्पनीले बोनस सेयर सूचीकृत गराएका हुन् ।
ग्लोबल आईएमई बैंकले गत आर्थिक बर्षमा वितरण गरेको ८० लाख ८० हजार ३४१ दशमलव ६६ कित्ता बोनस सूचीकृत गराएको हो । बैंकको कात्तिक २३ गते सम्पन्न ११ औ बार्षिक साधारण सभाले १० प्रतिशत बोनस र १० प्रतिशत नै नगद लाभांश पारित गरेको थियो ।
लक्ष्मी बैंकको ७४ लाख ७२ हजार ४१२ कित्ता सेयर सूचीकरण भएको छ । बैंकले गत आर्थिक बर्षमा चुक्ता पूँजी ७ अर्ब ४७ करोड रुपैयाँको ९ प्रतिशत बोनस मंसिर २८ गते सम्पन्न १७ औ बार्षिक साधारण सभाले पारित गरेको थियो । सोही सेयर बैंकले आईतबार सूचीकृत गराएको हो ।
त्यस्तै काबेली विकास बैंकको एक लाख ४० हजार ३५२ कित्ता सेयर सूचीकृत गराएको छ । बैंकको नवौं बार्षिक साधारण सभाले आर्थिक बर्ष २०७२ ७३ मा वितरण गरेको चुक्ता पूँजीको २० प्रतिशत बोनस सूचीकृत गराएको छ ।
सिद्धार्थ इन्स्योरेन्सले चुक्ता पूँजी ५३ करोड ४५ लाख रुपैयाँको २० प्रतिशत बराबरको १० लाख ६९ हजार ३५ कित्ता बोनस सूचीकरण गराएको छ । कम्पनीको कातिक २९ गते सम्पन्न १६ औ बार्षिक साधारण सभाले गत आर्थिक बर्षमा नाफाबाट २० प्रतिशत बोनस गरेको थियो ।
आईतबार सूचीकरण भएका सबै कम्पनीको बोनस सेयर सेयरधनीले खातामा प्राप्त गरेपश्चात खरिदविक्री गर्न सक्नेछन् ।
