चार अर्ब ६६ करोड रुपैयाँबाट आठ अर्ब पाँच करोडमा चुक्ता पूँजी बढाएको बैंकको जगेडा कोष भने कमजोर देखिन्छ । बैंकको जगेडा कोषमा एक अर्ब ४४ करोड रुपैयाँ मात्र रहेको छ । पूँजी ह्वात्तै बढेपनि आम्दानी वृद्धि निकै सुस्त बन्दा बैंकको प्रतिशेयर आम्दानी २४.६६ रुपैयाँबाट ११.९४ रुपैयाँमा झरेको छ ।
अन्य सञ्चालन आम्दानी घट्ने र कर्मचारी र सञ्चालन खर्च बढ्ने अवस्थाले बैंकको खुद नाफा घटेको हो । बैंकको कर्मचारी खर्च मात्र ७३ करोडले बढेको छ भने अन्य सञ्चालन आम्दानी १३ करोडले घटेको छ ।
कर्जा निक्षेप अनुपात ७९.५७ प्रतिशत रहेको बैकले ६५ अर्ब ७९ करोड रुपैयाँ निक्षेप संकलन गरि ६० अर्ब २६ करोड रुपैयाँ ऋण लगानी गरेको छ । निक्षेप १२ प्रतिशतले बढ्दा कर्जा १७ प्रतिशत बढीले विस्तार भएको छ ।
निष्कृय कर्जा अनुपात ०.३३ प्रतिशतमा झारेको बैंकको कर्जा नोक्सानी व्यवस्था रकम बढेर १४ करोड १४ लाख रुपैयाँ पुगेको छ । यस अवधिमा बैंकले पाँच करोड ५२ लाख राइट व्याक गरेको छ ।
समीक्षा अवधिमा व्याज आम्दानी ५३ प्रतिशतले बढ्दा व्याज खर्च ११५ प्रतिशतले बढेको देखिन्छ । बैंकले तीन अर्ब ३७ करोड व्याज आम्दानी गर्दा दुई अर्ब ३० करोड रुपैयाँ व्याज खर्च गरेको छ । यसबाट बैंकले एक अर्ब ६ करोड रुपैयाँ मात्र खुद ब्याज आम्दानी भएको छ । गत बर्ष बैंकले ६ अर्ब बढी खुद व्याज आम्दानी गरेको थियो ।
बैंकको निक्षेप लागत ३.७९ बाट ७.५९ प्रतिशतमा बढेको छ । प्रतिसेयर नेटवर्थ ११८ रुपैयाँ, तरलता २२.७५, पूँजी कोष अनुपात १५.६७ प्रतिशत रहेको छ ।
