कर्मचारी खच र बोनस व्यवस्था, अन्य सञ्चालन खर्च र निक्षेपको व्याजदर महँङ्गो हुँदा बैंकको नियमित आम्दानी र खर्च झण्डै बराबर रहेको छ । नाफा बढ्ने एकमात्र तत्व अनियमित (एक्स्ट्रा अर्डिनरी) आय मात्र बनेको छ ।
समिक्षा अवधिमा बैंकले ३७ अर्ब निक्षेप संकलन गरेको बैंकको कर्जा विस्तार ३३ अर्ब ५५ करोड रुपैयाँ गरेको छ । गत बर्षको ५४ करोड ९३ लाख खुद व्याज आम्दानी बढेर ५७ करोड ८४ लाख पुर्याएको छ । समीक्षा अवधिमा सञ्चालन नाफा दुई लाखबाट तीन करोड ५५ लाख गरेको छ ।
कर्जा निक्षेप अनुपात ७६.१२ प्रतिशत रहेको बैंकको निष्कृय कर्जा अनुपात केही बढेर ४.५२ प्रतिशतमा चढेको छ । कर्जा नोक्सनी कोषमा ३९ करोड ४२ लाख व्यवस्था गरेको छ भने असुली २३ लाख मात्र छ ।
बैंकको प्रतिसेयर आम्दानी ८ रुपैयाँ ३४ पैसा, प्रतिसेयर नेटवर्थ १३३ रुपैयाँ ५६ पैसा, पूँजी कोष अनुपात १८.३६ प्रतिशत र निक्षेप लागत पनि बढेर ८.१४ प्रतिशतमा पुगेको छ ।
पाँच अर्ब १८ करोड रुपैयाँ चुक्ता पूँजी रहेको बैंकको जगेडा कोषमा एक अर्ब ७३ करोड रुपैयाँ सञ्चित रहेको छ । ४० प्रतिशत हकप्रद विक्री गरिसकेको बैंकले बोनस वितरण गरेर चुक्ता पूँजी कायम गर्नेछ ।
