राष्ट्र बैंकले तोकेको पूँजी कायम गरिसकेको फाइनान्सको जगेडा कोषमा १४ करोड ८६ लाख सञ्चित रहेको छ । कम्पनीले यस अवधिमा चार अर्ब ७९ करोड रुपैयाँ निक्षेप संकलन गरि चार अर्ब सात करोड रुपैयाँ कर्जा परिचालन गरेको छ । फाइनान्सले निक्षेप ९३ करोड तथा कर्जा लगानी ८० करोडले बढेको हो ।
फाइनान्सले २८ करोड ९८ लाख व्याज आम्दानी गरपनि २२ करोड १६ लाख व्याज खर्चेको छ । यसबाट कम्पनीको खुद व्याज आम्दानी अघिल्लो बर्षको तुलनामा एक करोड ६९ लाख रुपैयाँले घटेर ६ करोड ८१ लाखमा खुम्चेको छ ।
पूँजी वृद्धिको अनुपातमा कम्पनीले नाफा बढाउन सकेको छैन । कर्जा निक्षेप अनुपात ७२ प्रतिशत मात्र रहेकाले लगानी बढाउने सम्भावना रहेको छ ।
अन्य सञ्चालन आम्दानी ३० लाख रुपैयाँले बढाएको फाइनान्सको कर्मचारी खर्च १५ लाख र अन्य सञ्चालन खर्च १२ लाखले बढेको छ । २४ लाख रुपैयाँ कर्जा नोक्सानी व्यवस्था गर्दा २१ लाख उठाएको छ ।
फाइनान्सको निष्कृय कर्जा अनुपात १.९९ प्रतिशतबाट २.२१ प्रतिशतमा बढेको छ । त्यस्तै प्रतिसेयर आम्दानी ७ रुपैयाँ ७२ पैसा, प्रतिसेयर नेटवर्थ ११८ रुपैयाँ ५९ पैसा, निक्षेप लागत ९.५१ प्रतिशत, पूँजी कोष अनुपात १९.२६ प्रतिशत र तरलता अनुपात ३३.९२ प्रतिशत रहेको छ ।
