सांग्रिला डेभलपमेन्टले १४ अर्ब ७० करोड रुपैयाँ निक्षेप संकलन गरी १२ अर्ब ९६ करोड कर्जा लगानी गरेको छ । यसबाट बैंकले खुद नाफा १२ करोड ५९ लाखबाट बढाएर १६ करोड एक लाख मुनाफा गरेको छ । समीक्षा अवधिमा खुद व्याज आम्दानी ३३ करोड ११ लाखबाट बढेर ३५ करोड ६१ लाख पुगेको छ । व्याज आम्दानीको तुलनामा व्याज खर्चलाई सन्तुलन गरेको देखिन्छ ।
निष्कृय कर्जा अनुपात ०.८५ रहेको बैंकले संभावित कर्जा जोखिम कोषको रकम पाँच करोड २३ लाखबाट दुई करोड १९ लाखमा सीमित गरेको छ । समीक्षा अवधिमा सञ्चालन नाफा १९ करोड ५९ लाखबाट बढेर २५ करोड सात लाख पुगेको छ ।
उता कन्काई विकास बैंक (KNBL) को नाफा ४० लाख रुपैयाँले घटेको छ । गत बर्ष यसै अवधिमा दुई करोड ३२ लाख नाफा कमाएकोमा एक करोड ९१ लाख मात्र कमाएको हो ।
दोस्रो त्रैमाससम्म बैकले एक अर्ब ५३ करोड रुपैयाँ निक्षेप संकलन गरी एक अर्ब ३८ करोड कर्जा लगानी गरेको छ । नाफा घटेपनि बैंकको जगेडा कोष भने चार करोड ७५ लाख रुपैयाँ बढेर ९ करोड ३७ लाख पुगेको छ ।
बैंकले व्याज आम्दानी अनुसार व्याज खर्च सन्तुलन गरेको छ । बैकले गत बर्षको तुलनामा खुद व्याज आम्दानी ५२ लाख रुपैयाँ बढाएर पाँच करोड ८५ लाख पुर्याएको छ ।
कर्जा नोक्सानी व्यवस्था २० लाख ३८ हजारबाट एक करोड ३१ लाखमा बढेपछि सञ्चालन नाफा तीन करोड ६५ लाखबाट दुई करोड १५ लाखमा सीमित भएको छ । शूल्क तथा कमिशनमा आम्दानी घटेको छ भने अन्य सञ्चालनमा भएको झिनो वृद्धिले कर्मचारी खर्च र अन्य सञ्चालन खर्चको भार थेक्न सकेको देखिँदैन ।
बैकको प्रतिसेयर आम्दानी ४ रुपैयाँ ८ पैसा, प्रतिसेयर नेटवर्थ ११५ रुपैयाँ ८२ पैसा रहेको छ भने खराब कर्जा ०.७९ प्रतिशत र निक्षेप लागत ६.७८ पुगेको छ ।