मेगा बैंक छाडेर सेञ्चुरी बैंकको प्रमुख कार्यकारीको जिम्मेवारी समाल्ने सम्झौता गरेका शाहसँग सेञ्चुरीले गत कात्तिक १६ गते सम्झौता गरेको थियो । यही माघ ७ गते बसेको बैठकले सम्झौता रद्ध गरी नयाँ प्रमुख कार्यकारीको नियुक्ती प्रक्रिया अघि बढाएको बैकले जनाएको छ ।
यता सेञ्चुरीसँग पारिश्रमिकको बिषय नमिलेपछि नबिल बैंकको प्रमुख कार्यकारीमा नियुक्ती भएका शाहको नबिल बैंकले पनि नियुक्ती खारेज गरेको छ । शाहलाई नबिल बैंकको सञ्चालक समितिले आगमी फागुन ५ गतेबाट कार्यकाल सुरु हुनेगरी गत पुस १३ गते नियुक्त गरेको थियो ।
नेपाल राष्ट्र बैंकको ’कुलिङ पिरियड’ सम्बन्धि निर्देशन आएपछि नबिल बैंकको सञ्चालक समितिले गत सोमबार अनिल शाहको नियुक्ति खारेज गरेको छ ।
राष्ट्र बैंकले २०७४ पुस १३ गते देखि कुलिङ पिरियड लागू गरेको थियो। जसमा एउटा संस्था छाडेको प्रमुख कार्यकारी अधिकृत अर्को संस्थामा ६ महिनासम्म जान नपाउने व्यवस्था छ ।
शाहले मंसिर २३ गतेबाट दुई कार्यकाल पुरा गरि मेगा बैंकबाट अवकाश लिएका थिए। अब शाहले जेठ २२ सम्म कुनै पनि बैंक तथा वित्तीय संस्थामा प्रमुख कार्यकारी हुन पाउँदैनन्।