लगानी विस्तार गरेपछि बैंकको खुद नाफा ६ करोड १३ लाख रुपैयाँको वृद्धि भई २० करोड ५४ लाख रुपैयाँ पुगेको छ । निक्षेप संकलन र कर्जा प्रवाहमा आक्रमक देखिएको बैकले व्याज आम्दानी र खर्चलाई सन्तुलनमा राख्दै बैकले समीक्षा अवधिमा २३ करोड ९५ लाख रुपैयाँको खुद व्याज आम्दानी ४५ करोड ४३ लाखमा पु-याएको छ ।
खुद व्याज आम्दानीमा उच्च सुधार भएपनि समीक्षा अवधिमा कर्मचारी खर्च चार करोड ५८ लाखबाट तीन गुणा बढेर १२ करोड ४० लाख पुगेको छ भने अन्य सञ्चालन खर्चपनि पाँच करोड ४९ लाखबाट दोब्बर बढेर १० करोड ५५ लाख पुगेको छ ।
यस अवधिमा बैंकको निष्कृय कर्जा अनुपात ३.३९ प्रतिशत रहेपछि कर्जा नोक्सानी वापत बैंकले २५ करोड ४५ लाख रुपैयाँ व्यवस्था गरेको छ । जसले कारण सञ्चालन नाफा समीक्षा अवधिमा ११ करोड ३१ लाखबाट घटेर ह्वात्तै घटेर तीन करोड ८० लाखमा खुम्चिएको छ ।
समिक्षा अवधिमा बैंकले खराव कर्जा असुलीमा ध्यान केन्द्रीत गर्दा अघिल्लो बर्ष ९ करोड गरेको असुली १९ करोडले बढाएर २८ करोड ५६ लाख पुर्याएपछि मात्र बैंकको नाफा ६ करोडले बढेको हो ।
बैंकको प्रतिसेयर आम्दानी १५ रुपैयाँ ६० पैसा, प्रतिसेयर नेटवर्थ १४९ रुपैयाँ ५५ पैसा, कर्जा निक्षेप अनुपात ७२.०४ प्रतिशत, पूँजी कोष लागत ८.०६ प्रतिशत, र तरलता अनुपात २६.२४ प्रतिशत रहेको छ ।
