इन्स्योरेन्सले १०० रुपैयाँअंकित मूल्यमा ६९९ रुपैयाँ प्रिमियम थप गरी ७ सय ९९ रुपैयाँका दरले ६ लाख ६५ हजार ५ सय ६५ कित्ता एफपीओ निष्कासन गरेको थियो । जसमा १ लाख ८९ हजार वटा आवेदन परेको क्यापिटलले जनाएको छ । उल्लेखित आवेदनबाट ५२ करोड ६९ लाख ९२ हजार ४३५ रुपैयाको सेयरका लागि ३ अर्ब २४ करोड रुपैंया बढीको सेयर माग भएको थियो ।
कम्पनीको सेयर १० कित्ताका दरले जम्मा ६६ हजार ५५६ जनाले मात्र पाउने भएका छन् । कम्पनीको सेयरमा आवेदन गर्ने एक सय जनामा ३५ जनाले मात्र १० कित्ता सेयर पाउँदा ६५ जना रित्तो हात हुने भएका छन् ।
कम्पनीले एफपिओ बिक्री पश्चात ४६ करोड १० लाख रुपैंया प्रिमियम संकलन गर्नेछ । अंकित मूल्य भने अहिलेको चुक्ता पूँजी ४४ करोड ५ लाख रुपैंयामा थप भई ५१ करोड माथि पुग्नेछ ।
बीमा समितिले गरेको व्यवस्था अनुसार १ अर्ब चुक्ता पूँजी कायम गर्न कम्पनीले गत आर्थिक वर्षको कमाईबाट १३.५२ प्रतिशत बोनस बितरण गर्ने प्रस्ताव गरिसकेको छ । उक्त बोनस पश्चात कम्पनीको चुक्ता पूँजी साढे ५८ करोड नजिक पुग्नेछ । उसले चालु आर्थिक वर्षको अन्त्यसम्ममा थप ४२ करोड रुपैंया पूँजी बिस्तार गर्नु पर्ने हुन्छ । यस क्रममा उसले प्रिमियम वापत संकलन भएको रकमको सदुपयोग गर्नु पर्ने हुन्छ ।