एभरेष्ट इन्स्योरेन्सले बीमा समितिले दिएको निर्देशन बमाेजिम ५१ प्रतिशत संस्थापक शेयर कायम गरेर हकप्रद शेयर जारी गर्ने निर्णय गरेको जनाएको छ । बीमा समितिले इन्स्योरेन्सलाई गत पुस २८ गते संस्थापक शेयर ५१ प्रतिशत कायम गर्न निर्देशन दिँदै पत्रचार गरेको थियो ।
कम्पनीको बैठकले बीमा समितिले दिएको निर्देशन बमोजिम ५१ प्रतिशत संस्थापक शेयर कायम गरेर गत बर्षको बार्षिक साधारणसभाले पारित गरेको ६ सय प्रतिशत हकप्रद परिमार्जन गरी बीमा समितिले तोकको चुक्ता पूँजी पुग्नेगरी आवश्यक हकप्रद शेयर जारी गर्ने निर्णय गरेको छ । कम्पनीले यी प्रस्तावहरु आगामी साधारणसभा लग्ने नेप्सेलाई जानकारी गराएको छ ।
आगामी असार मसान्त भित्र इन्स्योरेन्सले संस्थापक र सर्वसाधारण सेयरधनीको हिस्सा ५१:४९ प्रतिशत कायम गर्दै चुक्ता पूँजी एक अर्ब नघाउनुपर्नेछ ।
चालू आर्थिक बर्षको प्रथम त्रैमासिक प्रतिवेदन अनुसार कम्पनीको चुक्ता पूँजी १२ करोड १५ लाख रुपैयाँ रहेको छ । यस अवधिमा कम्पनीले ४४ लाख ८५ हजार रुपैयाँ खुद नाफा कमाएर प्रतिसेयर आम्दानी १४ रुपैयाँ ७६ पैसा कायम गरेको छ ।