चार करोड रुपैयाँ चुक्ता पूँजी रहेको कम्पनीको जगेडा भने साढे २९ प्रतिशत बढेर दुई करोड ३८ लाख पुगेको छ । यस अवधिमा संस्थाको खुद ब्याज आम्दानी पनि गत बर्षभन्दा ५१ लाख रुपैयाँले घटेर दुई करोड ३६ लाख ५२ हजार रुपैयाँमा झरेको छ ।
लघुवित्तले २० करोड ४२ लाख निक्षेप संकलन गरि ८५ करोड ५३ लाख कर्जा प्रबाह गरेको छ । लघुवित्तको निष्कृय कर्जा २.३१ प्रतिशतमा बढेको छ । उसले कर्जा जोखिम वापत कम्पनीले २९ लाख ६८ हजार नोक्सानी व्यवस्था गरेको छ भने १२ लाख १२ हजार खराब कर्जा उठाएको छ ।
कर्मचारी खर्च ७५ लाख बढेर दुई करोड २४ लाख पुगेको छ भने अन्य सञ्चालन खर्च १७ लाख ८६ हजार बढेर एक करोड पुगेको छ । खर्च वृद्धि भएपछि लघुवित्तको सञ्चालन नाफा एक करोड २१ लाखबाट ८४.५३ प्रतिशले घटेर १८ लाख ७४ हजार रुपैयाँमा सीमित भएको छ ।
लघुवित्तको प्रतिसेयर आम्दानी ४ रुपैयाँ ९१ पैसा र प्रतिसेयर नेटवर्थ १५९ रुपैयाँ ६८ पैसा रहेको छ ।
