कम्पनीको शेयर बिक्री प्रबन्धक एनएमबि क्यापिटलका अनुसार शुक्रबारदेखि संस्थागत लगानीकर्ताले बुटवल पावरको एफपिओमा आवेदन दिन पाउने छन् । निरन्तर दोस्रो बजारमा कम्पनीको शेयरमूल्य घटेपछि कम्पनीको एफपिओमा लगानीकर्ताको आर्कषण कम देखिएको हो । अर्कातर्फ दश कित्ता अनिवार्य भएकाले अधिकांश लगानीकर्ताले दश कित्ताका लागि नै आवेदन दिएकाले पनि कम्पनीको करिब ४० प्रतिशत शेयरमा आवेदन पर्न नसकेको हो ।
बुटवल पावर कम्पनीले गत माघ १५ गतेदेखि ४० करोड ८१ लाख रुपैयाँ बराबरको ४० लाख ८१ हजार कित्ता एफपिओको बिक्री खुलागरेको थियो , छिटोमा माघ १९ गतेसम्म आवेदन दिन पाइने व्यवस्था गरिएको थियो । तर कम्पनीले आवश्यक आवेदन नपरेपछि फागुन १५ गतेसम्म बिक्री खुला गर्ने यसअघि नै बताएको थियो ।
कम्पनीले एक सय रुपैयाँ अंकित मूल्यमा ४०१ रुपैयाँ प्रिमियम सहित प्रतिकित्ता ५०१ रुपैयाँमा उक्त सेयर बिक्रीमा ल्याएको हो । यता दोस्रो बजारमा भने कम्पनीको शेयरमूल्य निरन्तर घट्ने क्रममा रहेको छ ।
लगानीकर्ताले एनएमबि क्यापिटल नागपोखरी, लक्ष्मी क्यापिटल बानेश्वर, बुटवल पावर कम्पनी, वुद्ध नगर तथा आस्वा सदस्य रहेका जुनसुकै बैंक तथा वित्तीय संस्थाबाट आवेदन गर्न सकिनेछ ।