देव: ले साझा विकास बैंक र युनियन फाइनान्स एक्वायरपछि कायम चुक्ता पूँजी एक अर्ब ६३ करोड रुपैयाँको ४० प्रतिशत हकप्रद जारी गर्न मंसिर १३ गते अनुमति मागेको थियो ।
एनआईबिएल क्यपिटल मार्केटले बैंकको हकप्रद विक्री गर्नेछ । हकप्रद पूँजीकरणपछि बैंकको चुक्ता पूँजी दुई अर्ब २८ करोड ६५ लाख रुपैयाँ नाघ्नेछ । राष्ट्र बैंकले तोकेको न्यूनतम चुक्ता पूँजी दुई अर्ब ५० करोड कायम गर्न बैंकले यसअघि नै बोनस र हकप्रदको बाटो समातेको थियो ।
देवले दुबै संस्था एक्वायरअघि कायम चुक्ता पूँजी एक अर्ब ४४ करोड ४९ लाख रुपैयाँको १७.१० प्रतिशत बराबरको २४ करोड ७० लाख ७७ हजार ९०० रुपैयाँको बोनस वितरण गर्न कात्तिक २३ गते बुक क्लोज गरिसकेको छ । बोनसपछि बैंकको चुक्ता पूँजी दुई अर्ब ५३ करोड ३६ लाख पुग्नेछ ।
साथै देव २५० प्रतिशत हकप्रद जारी गर्ने प्रकृयामा रहेको साहारा विकास बैंकलाई समेत प्राप्ती गर्ने प्रकृयामा छ । हाल ७ करोड २९ लाख ९४ हजार ८०० रुपैयाँ चुक्ता पूँजी रहेको साहाराको हकप्रद पूँजीकरणपछि २५ करोड ५४ लाख ८१८ रुपैयाँ पूँजी भएको बैंक हुनेछ । युनियन र साझा विकास बैंकले घोषणा गर्ने बोनस र सहारा समेत प्राप्ती गर्दा बैंकको पूँजी थप बढ्नेछ ।
चालु आवको दोस्रो त्रैमासमा बैंकले १४ करोड ६ लाख रुपैयाँ खुद नाफा कमाएर प्रतिसेयर आम्दानी वार्षिक १७ रुपैयाँ २३ पैसा कायम गरेको छ ।
