चालु आर्थिक वर्षको दाेस्राे त्रैमासमा इन्स्योरेन्सले ३६ करोड ५६ लाख रुपैयाँ खुद बीमा शुल्क आर्जन गरेको छ भने १४ करोड ४७ लाख रुपैयाँ खुद दाबी भुक्तानी गरेको छ । पुर्नबीमा कमीशनबाट १० करोड आम्दानी गरेको कम्पनीले लगानी तथा कर्जाबाट २ करोड ९४ लाख आम्दानी गरेको छ ।
खुद बीमा शुल्कमा कमी आएपनि पुनबीमा कमिशन आय बढेपछि कम्पनीको खुद नाफा चालु आर्थिक वर्षको दोस्रो त्रैमासिकमा ६.३५ प्रतिशतले बढेको छ । गत आवको यस अवधिमा ७ करोड ३७ खुद नाफा कमाएको कम्पनीको नाफा ७ करोड ८५ लाख पुगेको हो । इन्स्योरेन्को खुद नाफा ४६ लाख ८६ हजार रुपैंयाँले बढी हो ।
५१ करोड २३ लाख रुपैयाँ चुक्ता पूँजी भएको कम्पनीले १७ करोड ७५ लाख रुपैयाँको जगेडा कोष बनाएको छ भने बीमा कोषमा ६२ करोड ६ लाख रुपैयाँ राखेको छ । उसको महाविपत्तीकोषमा ४ करोड २१ लख रुपैयाँ छ ।
कम्पनीले एक हजार ८८१ वटा वीमा दाबी बापत ७६ करोड १६ लाख रुपैयाँ दाबी भुक्तानी गर्न बाँकी रहेको छ ।
प्रतिसेयर आम्दानी ३० रुपैयाँ ६६ पैसा रहेको इन्स्योरेन्सको प्रति सेयर नेटवर्थ २६४.०३ रुपैयाँ, तरलता अनुपात १.७८ प्रतिशत र मुल्यआम्दानी अनुपात ४४ दशमलव ५२प्रतिशत रहेको छ ।
कम्पनीले प्रस्ताव गरेको २५ प्रतिशत बोनस समायोन हुन बाँकी छ । यो हुँदा कम्पनीको प्रतिसेयर आम्दानी अझै कम हुने छ ।
