यस अविधमा कम्पनीले एक अर्ब सात करोड रुपैयाँ विभिन्न व्यावसायमा प्रवाह गरेको ऋणबाट पाँच करोड ४३ लाख रुपैयाँ आम्दानी गरेको छ । लाभांश आम्दानी एक करोड १६ लाख र शूल्क तथा कमिशनबाट ६४ हजार आम्दानी गरेको छ । कम्पनीले २६ करोड ४२ लाख रुपैयाँ काबेली इनर्जीमा ऋण लगानी गरेको छ भने ५३ करोड २० लाख लगानी गरेको छ ।
कम्पनीको निक्षेपको ब्याज आम्दानीमा आएको उल्लेख्य बढोत्तरी कारण खुद नाफामा ९५.८७ प्रतिशत अर्थात २० करोड ३९ लाख बृद्धि भएर ४१ करोड ६६ लाख ७० हजार खुद नाफा आर्जन गरेको छ । गत आवको यसै अवधिमा कम्पनीको खुद नाफा २१ करोड २७ लाख रहेको थियो ।
त्यसैगरी यस अवधिमा कम्पनीले २ करोड ३५ लाख खर्च गरेको छ । कम्पनिको सञ्चालन आय गत बर्ष दोस्रो त्रैमासमा ३० करोड ४१ लाख रहेकोमा १११.४१ प्रतिशतले वृद्धि भई ६६ करोड ६३ लाख पुगेको छ ।
१० अर्ब शेयर पूँजी रहेको यस कम्पनीका जगेडा कोषमा ९० करोड ६६ लाख सञ्चित रहेको छ । कूल ११ अर्ब ७६ करोड ६५ लाखको सम्पत्ति तथा ८५ करोड ९९ लाख रुपैयाँको दायित्व कम्पनीमा रहेको देखिन्छ ।
कम्पनीको प्रतिशेयर आम्दानी ८ रुपैंयाँ ३३ पैसा रहेको छ । यस कम्पनीको प्रतिशेयर नेटवर्थ १०९ रुपैंयाँ ०७ पैसा रहेको छ । यस कम्पनीले सरकारी पहलमा निमार्ण गरिएको विद्युत् उत्पादन कम्पनीमा चार प्रतिशत अर्थात १३.२ करोड रुपैंयाँ लगानी गरेको उल्लेख छ ।
