यसमा खास कुरा भनेको कम्पनीले उक्त रकम नगदमा नै वितरण गरेको थियो । कम्पनीका कर्मचारीहरुले आफ्नो भागको बोनस रकम बोरा र ठुला ठुला झोलामा भरेर घर लगेका थिए । त्यसै पनि चीनको यो कम्पनी कयौँ बर्षदेखि आफ्नो कर्मचारीहरुलाई भारीभरकम बोनस दिने कम्पनीका रुपमा परिचित रहेको छ ।
यस कम्पनीमा करिब ५ हजार कर्मचारीहरु कार्यरत रहेका छन् । जसमा नगद स्वरुप बाँडिएको बोनसमा हरेक कर्मचारीहरुलाई प्रति व्यक्ति ५ लाख ६० हजार रुपैयाँ पाएका थिए ।
कम्पनीले हाल कार्यरत कर्मचारीहरुलाई मात्र नभई आफ्ना सेवा निवृत्त कर्मचारीहरुलाई पनि बोनस रकम बाँडेको थियो ।
