गत बर्ष यसै अवधिको तुलनामा अत्याधिक व्याज खर्चभएपछि खुद व्याज आम्दानीमा ठूलो गिरावट आएको देखिन्छ । समीक्षा अवधिमा खुद व्याज आम्दानी तीन करोड ७९ लाखबाट घटेर दुई करोड ४९ लाखमा सिमीत भएको छ । कम्पनीले पाँच करोड ९५ लाख व्यान आम्दानी गर्दा तीन करोड ४७ लाख व्याज खर्च गरेको छ ।
अन्य सन्चालन आम्दानीबाट थारै राहत मिलेपनि कम्पनीले चालू आर्थिक बर्ष दोश्रो त्रैमासमा कर्मचारीलाई धेरै खर्च गरेको छ । जसका कारण ७४ लाख राइट व्याक गर्दापनि कम्पनीले खुद नाफाबढ्न नसकेको देखिन्छ । यस अवधिमा अन्य सञ्चालन आम्दानी ४७ लाखबाट ७८ लाख पुगेको छ भने कर्मचारी खर्च ८५ लाखबाट एक कराेड ३० लाख पुगेको छ ।
समिक्षा अवधिमा तीन करोड ६६ लाख रुपैयाँ पूँजी वृद्धि भएर सात करोड ६६ लाख पुगेको छ । पूँजी वृद्धिको तुलनामा आम्दानी बढ्न नसकेपछि कम्पनीको प्रतिसेयर आम्दानी ८१.६० रुपैयाँबाट ५०.६२ रुपैयाँ घटेर ३०.९८ रुपैयाँ कायम भएको छ ।
कम्पनीको जगेडा कोष ४२ लाखले बढेर पाँच करोड १६ लाख पुर्याएको लघुवित्तको खराव कर्जा बढेर ३.२९ मा पुगेको छ ।