खुद नाफा बढेपनि कम्पनीको जगेडा कोष भने चार करोड ९० लाख ८५ हजार रुपैयाँ ऋणात्मक छ । गत बर्ष कम्पनीको जगेडा कोष २२ करोड ४८ लाख रुपैयाँ सञ्चित रहेकोमा अहिले ऋणात्मक बन्न पुगेको हो ।
६ महिना अवधिमा कम्पनीले १७ करोड ३७ लाख ७५ हजार रुपैयाँ खुद बीमा शुल्क आर्जन गरेको जुन गत बर्षको तुलनामा दुई करोड ४६ लाख रुपैयाँ कम हो । त्यस्तै कूल बीमा शूल्क ६ करोड ६३ लाख रुपैयाँ घटेर २६ करोड ९७ लाख रुपैयाँमा सीमित भएको छ । कम्पनीको जारी बीमालेख संख्या ३५ हजार ६६४ रहेको छ ।
पुनर्बीमा कमिशनबाट हुने आय घटेर दुई करोड ४९ लाख रुपैयाँ आम्दानी गरेको युनाइटेडले १७ करोड ५२ लाख कुल दाबी भुक्तानी गरेको छ भने ४२ करोड ८८ लाख भुक्तानी हुन बाँकी देखिन्छ । गत बर्ष कम्पनीले दाबी भुक्तानीका लागि आठ करोड ५९ लाख रुपैयाँ खर्च गरेको थियो भने ७० करोड ३३ लाख रुपैयाँ भुक्तानी हुन बाँकी रहेको थियो ।
३० करोड २४ लाख रुपैयाँ चुक्ता पूँजी रहेको कम्पनीको प्रतिसेयर आम्दानी बार्षिक २६ रुपैयाँ ८८ पैसा रहेको छ । उसको बीमा कोषमा १९ करोड ५४ लाख रुपैयाँ तथा महाविपत्ती जगेडा कोषमा ६९ लाख १४ हजार रुपैयाँ सञ्चित रहेको देखिन्छ ।
