मञ्जुश्री फाइनान्सले ३ लाख ६२ हजार १९० कित्ता हकप्रद सेयर बिक्री गर्न लागेको हो । कम्पनीको सय बराबर पाँच अनुपातको हकप्रद धितोपत्र बोर्डबाट माघ ९ गते स्वीकृत भएको थियो । फाइनान्सको सेयर बिक्री प्रबन्धक एनआईविएल एस क्यापिटल रहेको छ ।
पाँच प्रतिशत हकप्रद जारी गर्ने प्रस्ताव गत असोज २५ गते सम्पन्न विशेष साधारण सभाबाट पारित गरेको थियो ।
७२ करोड ४३ लाख ७९ हजार रुपैयाँ चुक्ता पूँजी रहेको फाइनान्सको ६ प्रतिशत अर्थात चार करोड ३४ लाख ६२ हजार सात सय रुपैयाँ बोनस र पाँच प्रतिशत हकप्रदपछि ८० करोड ४० करोड ६० लाख रुपैयाँ पुग्नेछ ।
चालु आर्थिक वर्षको दोस्रो त्रैमासमा फाइनान्सले चार करोड १४ लाख रुपैयाँ खुद नाफा कमाएर प्रतिसेयर आम्दानी ११ रुपैयाँ ४३ पैसा कायम गरेको छ।
