शुक्रबार ओम डेभलपमेन्ट बैंकले पनि व्यवसायिक व्यक्तिहरुलाई लक्षित गर्दे १५ लाख रुपैयाँसम्मको ओम प्रोफेसनल लोन योजना योजना सार्वजनिक गरेको छ ।
केही दिनअघि मात्र व्यवसायिक कर्जा (प्रोफेसनल लोन) योजना अन्तगर्त कैलाश विकास बैंकले धितो विना नै १५ लाख रुपैयाँको कर्जा उपलब्ध गराउने योजना सार्वजनिक गरेको थियो ।
यस्तो कर्जा आम मानिसहरुका लागि भने होइन । यो कर्जा लिनका लागि आकर्षक रोजगारी प्राप्त गर्ने डाक्टर, इञ्जिनियर र परामर्शदाता सेवा दिने र राम्रो जागिर भएका व्यक्तीहरु हुनु अावश्यक छ । व्यक्तिले प्राप्त गर्ने मासिक तलब स्केलका आधारमा बैंकले १५ लाख रूपैयाँसम्म कर्जा लगानी गर्ने गर्दछन् ।
बैंकले यस्तो कर्जामा अन्य कर्जा याेजनामा जस्तै १५ प्रतिशत हाराहारीमा ब्याजदर लाग्ने जनाएको छ । धितोबन्धक राख्ने केही नभएका व्यवसायिक व्यक्तिहरु यो योजनाबाट लाभान्वित हुने बैंकको विश्वास छ ।