यस अवधिमा बैंकले ग्राहको निरन्तरको विश्वास तथा आत्मिय सहयोग प्राप्त गरी व्यवसायिक उत्कृष्टता र ग्राहक सन्तुष्टिलाई उच्चस्तरमा राख्न सफल भएको दाबी गरेको छ ।
आठ लाखभन्दा बढी ग्राहक संख्या पुगेको जनाएको बैंकले हाल ६३ वटा शाखा (नारायणघाट र पर्सा शाखा स्थानान्तरनको प्रक्रियासहित) बाट सेवा प्रदान गर्दे आएको छ । त्यस्तै बैंकले ५ लाख ५० हजारभन्दा बढी भिसा डेबिट कार्ड प्रयोगकर्ता, ६३ वटा शाखारहित बैंकिङ सेवा, ३०० बढी भिसा तथा एनपिएन सदस्य पुगेको बताएको छ । बैंकका ९८ वटा एटिएम संचालनमा रहेका छन् ।
चालु आर्थिक वर्षको दोस्रो त्रैमाससम्ममा बैंकले १ सय ३० अर्ब निक्षेप संकलन गरी १ सय १४ अर्ब कर्जा लगानी गरेको छ । यस अवधिसम्ममा बैंकले १ अर्ब ८३ करोड खुद नाफा गरेको छ । दोस्रो त्रैमाससम्ममा बैंकको पूँजी पर्याप्तता अनुपात १३.०७ प्रतिशत निस्क्रिय कर्जा १.१२ प्रतिशत छ ।
साथै बैंकले यसै आर्थिक वर्षमा देशका विभिन्न सुगम तथा दुर्गम क्षेत्रमा थप शाखा खोली ग्राहक संजाललाई अझ विस्तार गर्ने योजना बनाएको छ ।
नेपाल इन्भेष्टमेण्ट बैंकले निरन्तर रूपमा अन्तराष्ट्रिय मान्यता प्राप्त क्रेडिट रेटिङ एजेन्सी आइ.सि.आर.ए. नेपाल लिमिटेडबाट “क” वर्गको मान्यता प्राप्त गरिरहेको छ । साथै बैंक अफ दि इयर पाँच पटकसम्म प्राप्त गर्ने नेपाल इन्भेष्टमेण्ट बैंक लि. नेपालको एकमात्र बैंक रहेको छ ।