सिद्धार्थ बैंक (SBL) ले आगामी चैत ४ गते राष्ट्रिय सभागृह प्रदर्शनी मार्गमा बिहान ११ बजे १६ औं बार्षिक साधारण सभा आह्वान गरेको छ । ६ अर्ब ८२ करोड ६१ लाख रुपैयाँ चुक्ता पूँजी रहेको बैंकको बोनसपछि सात अर्ब ७८ करोड १७ लाख रुपैयाँ चुक्ता पूँजी पुग्नेछ ।
बैकले १० प्रतिशत हकप्रद विक्री गरिरहेको छ । हकप्रदपछि बैंकको चुक्ता पूँजी राष्ट्र बैंकले तोकेअनुसार आठ अर्ब ४६ करोड रुपैयाँ नाघ्नेछ ।
फरवार्ड कम्युनिटी माइक्रोफाइनान्स (FOWAD) ले पनि चैत ४ गते नै केन्द्रीय कार्यालय दुहवी सुनसरीमा बिहान ११ बजे पाँचौं बार्षिक साधारणसभा डाकेकाे छ ।
सभाले चुक्ता पूँजी २० करोडको ५० प्रतिशत (दश करोड रुपैयाँ) बोनस सेयर तथा १५ प्रतिशत नगद (तीन करोड रुपैयाँ) लाभांश गरि कूल ६५ प्रतिशत लाभांश पारित गर्नेछ ।
उता तारागाउँ रिजेन्सी होटल (TRH) ले चैत १२ गते २१ औ बार्षिक साधारण सभा आह्वान गरेको छ । होटलले त्रिभुवन आर्मी अफिसर्स क्लब भद्रकालीमा विहान ११ बजे सभा डाकेको हो ।
सभाले कम्पनीको चुक्ता पूँजी एक अर्ब ८८ करोड ६६ लाख ५४ हजार रुपैयाँको ७.३७ प्रतिशत (१४ करोड पाँच लाख ५५ हजार ७८६ रुपैयाँ) नगद लाभांश वितरण गर्ने प्रस्ताव पारित गर्नेछ ।