केन्द्रीय निक्षेप प्रणालीले सेयर बाँडफाँडको मिति एक सातामा झार्ने तयारीलाई अन्तिम रुप दिँदैछ । यस सम्बन्धमा अहिले छलफल चलिरहेको छ । सिडिएससीले यस सम्बन्धमा छिट्टै आफ्नो धारणा सार्वजनिक गर्नेछ ।
केन्द्रीय निक्षेप प्रणालीले सेयर बाँडफाँडको मोडालिटी तयार पारे लगत्तै एनआईसी एशिया क्यापिटलले आरम्भ माइक्रोफाइनान्सको साधारण सेयर पनि एक सातामा नै बाँडफाँड गर्ने तयारी थालेको छ । सोमबार सेयर निष्काशन बन्द भएको मितिले एक सातामा सेयर बाँडफाँड गर्ने गरी काम थालिएको क्यापिटलले जनाएको छ ।
यसअघि सिडिएससीले सीआस्वा पूर्ण कार्यान्वायनमा आए पछि साता दिन भित्रमा सेयर बाँडफाँड गर्न सकिने प्रष्ट पारिसकेको थियो । सोही अनुसार सबै तयारी पुरा भएको सिडिएससीका प्रमुख कार्यकारी अधिकृत देवप्रकाश गुप्ताले बताए ।
एनआईसी एशिया क्यापिटलको बिक्री प्रबन्धकत्वमा निष्काशन भएको आरम्भ माइक्रोफाइनान्सको सेयरमा रकमका आधारमा ४१ गुणा बढीको आवेदन परेको थियो । कति जनाले पाउलान् माइक्रोफाइनान्सको सेयर ? यो सामग्री हेर्नुहोस् ।