शाखाको उद्घाटन कार्यक्रममा बीमा समितिका अध्यक्ष चापागाईज्यूले कम्पनीले छोटो समयमानै आफ्नो साख स्थापित गर्न 
सफल भएकोमा लगानीकर्ता, संचालक समिति, व्यवस्थापन तथा सम्पूर्ण कर्मचारीहरुलाई धन्यवाद दिएका थिए । बीमा क्षेत्रले थप रोजगारी बढाउन ठूलो योगदान दिने हुनाले ग्राहकलाई चुस्त र सहज सेवा लगायत लगानीकर्ताको हित तथा कर्मचारीहरुको मनोवृतिमा विशेष ध्यान दिंदै अघि बढ्न व्यवस्थापनलाई सुझाब दिएका थिए ।
समितिका अध्यक्ष चापागाईले सबैलालई आफनो चल, अचल सम्पत्तीको बीमा गरेर ढुक्क भएर व्यापार व्यावसाय विस्तार गर्न आग्रह गरेका थिए ।
सोही अवसरमा कम्पनीका संचालक समितिका अध्यक्ष हेमराज ढकालले बीमा क्षेत्रमा आफ्नो पहिचान स्थापित गर्दै देशभरी नै शाखा सञ्जाल विस्तार गरी सेवाग्राहीलाई विश्वसनिय सेवा प्रदान गर्ने बताएका थिए । ३३ वटा शाखा तथा १० उपशाखा बाट सेवाग्राहीहरुलाई उच्च कोटीको सेवा प्रदान गर्ने ढकालले बताए ।
इन्स्योरेन्सका प्रमुख कार्यकारी अधिकृत युगेशभक्त वादे श्रेष्ठले चालु आर्थिक वर्षको दोस्रो त्रैमाससम्मको कम्पनीको वित्तीय विबरण प्रकाश पारेका थिए ।
