नेकोले एक सय रुपैयाँ अंकित दरका ३९ करोड २० लाख रुपैयाँ बराबरको ३९ लाख २० हजार ९२८ कित्ता सेयर बिक्री खुला गरेको हो ।
कम्पनीले निष्कासन गरेको हकप्रदमा माघ ८ गतेसम्म कायम सेयरधनीहरुले आवेदन गर्न पाउनेछन् । कम्पनीको शेयर निष्कासन तथा बिक्री प्रबन्धकमा एनएमबि क्यापिटल रहेको छ ।
इन्स्योरेन्सका सेयरधनीले आस्वा सेवा प्राप्त जुनसुकै बैंक तथा वित्तीय संस्था र तीनका शाखा कार्यालय, एनएमबि क्यापिटल र एनएमबि बैंकका सबै शाखा कार्यालयबाट समेत हकप्रद सेयरका लागि चैत १ गतेसम्म आवेदन गर्न सक्नेछन् ।
हाल कम्पनीको चुक्ता पूँजी ७८ करोड ४१ लाख ८५ हजार रुपैयाँ छ । हकप्रद निष्कासन तथा बाँडफाँड पश्चात कम्पनीको चुक्ता पूँजी एक अर्ब १७ करोड ६२ लाख ७८ हजार रुपैयाँ पुग्नेछ ।
कर्णाली डेभलपमेन्टको २२५ प्रतिशत
कर्णाली डेभलपमेन्ट बैंकले एक सय रुपैयाँ अंकित मूल्यका ३३ लाख ९७ हजार ५ सय कित्ता हकप्रद शेयर निष्कासन गरेको हो ।
पुस १९ गतेसम्म नेप्सेमा कारोबार भई कायम साविक शेयरधनीहरुले माघ ११ गतेदेखि फागुन १६ गतेसम्ममा बैंकको हकप्रद सेयरमा आवेदन गर्न पाउनेछन् ।
बैंकको धितोपत्र निष्कासन तथा बिक्री प्रबन्धक प्रभु क्यापिटल लिमिटेड रहेको छ ।
शेयरधनीहरुले विक्री प्रबन्धकका साथमा कर्णाली विकास बैंकका शाखा कार्यालय, प्रभु बैंकका विराटनगर, विरगंज, पोखरा, बुटवल र धनगढी शाखा कार्यालय र आस्बा सदस्य बैंक तथा वित्तीय संस्थाहरु र तिनका शाखा कार्यालयबाट आवेदन दिन सक्नेछन् ।
हाल बैंकको चुक्तापूँजी १५ करोड १० लाख छ भने हकप्रद निष्कासन तथा बाँडफाँट पश्चात बैंकको चुक्तापूँजी ४९ करोड ७ लाख पुग्नेछ ।