उक्त लिलामीको सेयरमा फागुन २३ गतेदेखि चैत्र १ गतेसम्म आवेदन दिन सकिने बिक्री प्रबन्धक लक्ष्मी क्यापिटलले जनाएको छ ।
दोस्रो बजारमा बैंकको सेयरमूल्य प्रतिकित्ता १५३ रुपैयाँको हाराहारीमा रहेको छ । दोस्रो बजारमा देखिएको अस्थिरताले बजार भाउ कति कायम होला भन्ने अनिश्चतता समेत उत्तिकै छ । यस्तो अवस्थामा बैंकको लिलामीको सेयर कतिसम्ममा बिक्री होला लगानीकर्तामा चासोको बिषय समेत बनेको छ ।
बैंकको न्यूनतम शेयरमूल्य एक सय रुपैयाँ तोकिएको छ । लगानीकर्ताले न्यूनतम एक सय कित्ता सेयरका लागि आवेदन दिन पाउनेछन् भने अधिकत्मको सिमा तोकिएको छैन । बिक्रीमा राखेजति सबै सेयरका लागि पनि लगानीकर्ताले आवेदन दिन सक्नेछन् ।
सिभिलको लिलामीको सेयर खरिद गर्न इच्छुक लगानीकर्ताले लक्ष्मी क्यापिटल नयाँ बानेश्वर र लक्ष्मी बैंकका शाखा कार्यालयहरु बीरगंज, बिराटनगर, बुटवल, पोखरा, सुर्खेत, नेपालगंज र धनगढी शाखामार्फत आबेदन दिन सक्नेछन् ।
बैंकले गत मंसिर २२ गतेदेखि माघ १२ गतेसम्म बिक्री खुला गरेको हकप्रदमा नबिकेको सेयर लिलामीमा ल्याएको हो ।
यस्तो छ वित्तीय अवस्था
सिभिल बैंकले चालु आर्थिक वर्षको दोस्रो त्रैमासमा २१ करोड ६९ लाख खुद नाफा गरेर प्रतिसेयर आम्दानी ८ रुपैयाँ ३४ पैसा कायम गरेको छ । बैंकको प्रतिसेयर नेटवर्थ १३३ रुपैयाँ ५६ पैसा, पूँजी कोष अनुपात १८.३६ प्रतिशत र निक्षेप लागत ८.१४ प्रतिशतमा पुगेको छ ।
समिक्षा अवधिमा बैंकले ३७ अर्ब निक्षेप संकलन गरेको बैंकको कर्जा विस्तार ३३ अर्ब ५५ करोड रुपैयाँ छ । पाँच अर्ब १८ करोड रुपैयाँ चुक्ता पूँजी रहेको बैंकको जगेडा कोषमा एक अर्ब ७३ करोड रुपैयाँ सञ्चित रहेको छ ।