बुधबार चार बाणिज्य बैंकहरु सिटिजन्स्, सिद्धार्थ,ग्लोबल आईएमई, र मेगा बैंकले राष्ट्र बैंकले प्रवाह गरेको तरलताको उपयोग गरेका छन् । विकास बैंकमा कैलाश विकास बैंकले उक्त रकम लगेका राष्ट्र बैंकले जनाएको छ । राष्ट्र बैंकले बाणिज्यहरु सबैले एक अर्ब बढी र कैलाशले एक अर्बभन्दा कम रकम लगेको जनाएको छ ।
बैंक तथा वित्तीय संस्थाहरूमा कर्जा याेग्य लगानी रकम अभाव भैरहेकाे बेला पनि केन्द्रीय बैंकले प्रवाह गरेकाे रकम किन लगेनन् भन्ने प्रश्न सिर्जना भएकाे छ । यस सम्बन्धमा मेराे लगानीसँग कुरा गर्दे कुमारी बैंकको सञ्चालन प्रमुख रामचन्द्र खनालले राष्ट्र बैंकले रिपो मार्फत प्रवाह गरेको रकमले अहिले बाणिज्य बैंकहरुमा देखिएको कर्जायोग्य लगानी रकमको अभावलाई सम्बोधन भईनहाल्ने उनकाे भनार्इ छ ।
खनालले राष्ट्र बैंकले प्रदान गर्ने यस्तो रकमले कर्जा प्रवाह नमिल्ने भएकाले जति पैसा पठाएपनि अहिलेको समस्या समाधान तत्काल समाधान हुँदैन। उनले भने: "राष्ट्र बैंकले प्रवाह गर्ने यस्तो रकम कर्जा दिने रकम होईन । यो रकम बैंकहरुले अनिवार्य मौज्दात कायम गर्नुपर्ने २० प्रतिशतभित्रै पर्ने रकम भएकाले बाणिज्य बैंकहरुलाई आन्तरिक नगद प्रवाह गर्न (ठूलो रकमहरुको भुक्तानी) र बैंकको सिआरआर अनुपात कायम गर्न मात्र उपयोगि हुन्छ ।"
बिहीबार पनि केन्द्रीय बैंकले १० अर्ब तरलता प्रवाह गर्देछ । केन्द्रीय बैंकले प्रवाह गर्न रकमले कर्जा लगानी गर्न नपाइने र दैनिक कार्य सञ्चालन गर्न अहिले बैंकहरूमा रकम अभाव नभएकाले यसमा पनि बैंकहरुको न्यून सहभागिता जनाउने निश्चित छ ।
राष्ट्र बैंकले रिपाे उपकरण मार्फत प्रवाह गर्ने रकमले बाणिज्य बैंकहरूबिच रहेकाे अन्तर बैंक ब्याजदर तल झार्न भने सहयाेग पुग्नेछ । सरकारले विहीबारदेखि नै स्थानीय तहमा ७५ अर्ब रूपैयाँ पठाउँदैछ । याे रकमले बैंकहरूलार्इ अहिलेकाे समस्यामा राहत पुग्नेछ । यसले पनि अहिले बैंकहरू केन्द्रीय बैंकमार्फत पैसा लिन अनिच्छुक देखिएका हुन् ।
