यती एयरलाइन्सको जहाज गौतम बुद्ध विमानस्थलमा अवतरण भए पछि पार्किगंस्थलतर्फ जाने क्रममा दुर्घटनामा परेको हो । धावन मार्गमा गुड्ने क्रममा ह्विल लक भए पछि अड्किएर विमान दुर्घटनामा परेको हो ।
काठमाण्डौंबाट भैरहवाका लागि उडेको यती एयरलाइन्सको नाइन एन ८९३ कलसाइनको जहाज अवतरण पश्चात सामान्य दुर्घटना भएको भैरहवा विमानस्थलका निर्देशक टेकराज पोखरेलले मेरोलगानीलाई बताए । 'नोज ह्वील अड्किएका कारण पार्किगंस्थलमा पुग्न मात्र समस्या भएको हो । कुनै क्षती भएको छैन ।' उनले भने ।
विमानमा सवार चालक सहित २६ यात्रुहरु सकुसल रहेको बताइएको छ । विमान दुर्घटना पछि गौतम बुद्ध विमानस्थल बन्द गरिएको छ ।
