धितोपत्र बोर्डको व्यवस्था अनुसार कम्पनीहरुले निष्काशन गर्ने हकप्रद तथा वितरण गर्ने बोनस लगानीकर्ताको हितग्राही खातामा जम्मा गर्ने व्यवस्था गर्ने निर्देशन अनुरुप भौतिक सेयर धारण गर्नेले डिम्याट नगरि बोनस नपाउने भएका हुन् ।
कम्पनीले साधारण सभा प्रयोजनका लागि सेयरधनी किताब बन्द गरेको मितिसम्म सेयर डिम्याट गरेका सेयरधनीलाई बोनस सूचीकरण पश्चात निजहरुको हितग्राही खातामा नै बोनस वितरण गर्ने जनाएको छ ।
असार ८ गते पछाडि डिम्याट गरेका सेयरधनीले पनि क्रमश: आफ्नै डिम्याट खातामा बोनस पाउनेछन् ।
सेयरधनीले इन्स्योरेन्सको बिक्री प्रबन्धक एनएमबि क्यापिटल वा सिडिएस एण्ड क्लियरिङ्गबाट निक्षेप सदस्य रहेका कुनैपनि संस्थाबाट सेयर डिम्याट गराउन सक्नेछन् ।
२०७२ पुससम्म धितोपत्र बजारमा भौतिक तथा अभौतिक दुबै सेयरको कारोवार भइरहेको थियो । धितोपत्रको दोश्रो बजारलाई पूर्ण स्वचालित बनाउने उद्देश्यले बोर्डले नेप्से र सिडिएसलाई २०७२ माघदेखि पूर्ण स्वचालित कारोवार संचालन गर्न बाेर्डले निर्देशन दिएको थियो । त्यस यता अभौतिक सेयर मात्र खरिदविक्री हुँदै आएको छ ।
२०७३ साउनबाट प्राथमिक निष्काशनमा अनिवार्य डिम्याट लागू गरेको धितोपत्र बोर्डले गत साउनदेखि अनिवार्य आस्वा प्रणाली लागू गरेको थियो भने फागुन ११ गतेदेखि अनिवार्य सि आस्वा प्रणाली लागू गरिसकेको छ । बोर्डले कात्तिक यता हकप्रद आवेदन समेत आस्वा प्रणाली मार्फत आवेदन गर्नसक्ने व्यवस्था गरिसकेको छ ।
एभरेष्ट इन्स्योरेन्सकाे गत असार २३ गते सम्पन्न पाँच आर्थिक बर्षको साधारण सभाले सेयरधनीलार्इ २० प्रतिशत बाेनस वितरण गर्ने प्रस्ताव पारित गरेकाे थियाे ।
