हकप्रदमा बिक्री नभएको बाँकी सेयर बैंकले लिलामी गर्नेछ । यसको मिति बैंकले पछि निर्धारण गर्नेछ ।
बैंकले गत पुस १७ गते देखि माघ २१ गते सम्म ८० प्रतिशत हकप्रद निष्काशन गरेको थियो । उक्त समयमा बैंकको सेयरका लागि ११ हजार ७३२ जनाले आवेदन दिएका थिए । यस क्रममा बैंकको ९ लाख १ हजार ९९७ कित्ता सेयर बिक्री हुन नसकेको हो । उक्त सेयर लिलाम गरी बैंकले थप प्रिमियम समेत आर्जन गर्नेछ ।
गत जेठ १९ गते सम्पन्न १२ औं बार्षिक साधारण सभाले हकप्रद सेयरको प्रस्ताव पारित गरेको थियो । हाल बैंकको चुक्ता पूँजी एक अर्ब ३५ करोड रुपैया छ । हकप्रद निष्काशन तथा सेयर लिलामी पश्चात बैंकको चुक्ता पूँजी दुई अर्ब ४४ करोड ५२ लाख रुपैयाँ पुग्नेछ ।
राष्ट्र बैंकले तोकेको अढाई अर्ब पूँजी पुर्याउन बैंकले गत आर्थिक वर्षको कमाईबाट लगानीकर्तालाई बोनस झण्डै ६ करोड रुपैंया बराबरको बोनस बितरण गर्नुपर्ने हुन्छ । चालु आर्थिक वर्षको दोस्रो त्रैमासमा बैंकको जगेडा कोषमा ७३ करोड २१ लाख १२ हजार रुपैंया सञ्चित छ ।