देव: विकाससँग एक्वायरमा जाने भएपछि सहाराले हकप्रद बिक्रीको निर्णय खारेज गर्न चाहेको थियो । तर बोर्डले नियम अनुसार निर्देशन दिएपछि सहारा हकप्रद बिक्री गर्न बाध्य भएको हो ।
बोर्डको अनुमति सँगै बैंकले १ बराबर २.५ को अनुपात अर्थात १८ करोड २४ लाख रुपैयाँ बराबरको हकप्रद सेयर जारी गर्ने भएको छ ।
कम्पनीले बिक्री प्रवन्धक एनआईबीएल एस क्यापिटल मार्फत हकप्रद सेयर जारी गर्ने छ ।
हाल बैंकको चुक्ता पुँजी ७ करोड २९ लाख रुपैयाँ रहेको छ । २५० प्रतिशत हकप्रद पश्चात बैंकको पुँजी २५ करोड ५४ लाख रुपैयाँ नाघ्ने छ ।
चालु आर्थिक वर्षको दोस्रो त्रैमासमा बैंकले ५४ लाख ३२ हजार रुपैयाँ खुद नाफा कमाएको छ । प्रतिसेयर आम्दानी १४ रुपैयाँ ८९ पैसा रहेको सहाराको प्रतिसेयर नेटवर्थ भने १७० रुपैयाँ ५८ पैसा छ ।
