कम्पनीले गत माघ १५ गतेदेखि १९ गतेसम्म २ अर्ब ४ करोड ४५ लाख ८१ हजार रुपैयाँ बराबरको ४० लाख ८१ हजार कित्ता एफपीओ निष्कासन गरेको थियो ।
निर्धारित मितिसम्म निष्कासन गरेको सबै एफपिओ बिक्री नभएपछि कम्पनीले संस्थागत लगानीकर्ताले समेत खरिद गर्न पाउनेगरी म्याद बढाएर फागुन १५ गतेसम्म थप गरेको थियो ।
सो मितिसम्म पनि व्यक्तीगत तथा संस्थागत रुपमा आवेदन लिदा पनि कम्पनीको ११ लाख ६१ हजार कित्ता सेयर बिक्री नभएपछि प्रत्याभूतिकर्ता कम्पनीहरुले सकार्ने भएका छन् ।
कम्पनीले प्रिमियम सहति प्रतिकित्ता ५०१ रुपैयाँ मूल्य तोकेर एफपिओ निष्कासन गरेको थियो । यता दोस्रो बजारमा आएको लगातारको गिरावटले कम्पनीको एफपिओमा लगानीकर्ताको आकर्षण घटेको थियो । अहिलो दोस्रो बजारमा कम्पनीको शेयरमूल्य प्रतिकित्ता ४३६ रुपैयाँमा झरिसकेको छ ।