साधारण सभामा बेस्ट फाइनान्सले सिनर्जी फाइनान्सलाई १ः१ सेयर स्वाप रेसियोमा एक्वायर गर्ने विशेष प्रस्ताव पेश गर्देछ । त्यस्तै सिनर्जी फाइनान्सलाई एक्वायर गर्ने भएपछि गत बर्षको सधारण सभाबाट पारित भएको १७५ प्रतिशत हकप्रद सेयर निष्काशन गर्ने निर्णयलाई खारेज गर्ने प्रस्ताव साधारण सभामा लैजादैँ छ ।
बेस्ट फाइनान्सको २१ औं बार्षिक साधारण सभा यूनियन हाउस अनामनगरमा विहान ११ बजेबाट सुरु हुनेछ ।
उता चैत २४ गते नै सिद्धार्थ कटेज बुटवलमा डाकिएको सिनर्जी फाइनान्सको १९ औं बार्षिक साधारण सभाले बेस्ट फाइनान्ससँग विलय हुने विशेष प्रस्ताव पारित गर्ने कार्यक्रम रहेको छ ।
सिनर्जी फाइनान्सको २५ प्रतिशत हकप्रद (११ लाख ८६ हजार २२.४७ कित्ता) निष्कासन प्रकृया अहिले धितोपत्र बोर्डको पाइपलाईनमा रहेको छ ।
२०५२ सालमा स्थापना भएको तत्कालिन जनरल फाइनान्सलाई राष्ट्र बैंकले २०७० जेठमा समस्याग्रस्त भएको थियो। समस्याग्रस्त संस्थाको रुपमा रहेको फाइनान्स कम्पनीमा एनआरएन समूहको प्रवेशपछि बेष्ट फाइनान्सको नामबाट सञ्चालनमा आएको हो ।
सिनर्जी फाइनान्स तत्कालीन एल्पिक एभरेष्ट फाइनान्स, सीएमबी फाइनान्स र बुटवल फाइनान्स एक आपसमा मर्ज भएर बनेको थियो । एकिकृत भएपछि बन्ने फाईनान्स कम्पनीको चुक्ता पूँजी ८९ करोड रुपैयाँ पुग्नेछ ।
