एक लाख १० हजार ६२६ कित्ता साधारण सेयरको प्रारिम्भिक कटअफ मूल्य १०६ रुपैयाँ ११ पैसा कायम भएको सनराइज क्यापिटलले जनाएको छ । साधारण सेयरका लागि कूल २७० जना आवेदकले शिलबन्दी बोलपत्र पेश गरेका थिए ।
रिलायन्सले लिलामीमा ल्याएको ५ लाख ४२ हजार ३१४ कित्ता संस्थापक समूहको सेयरको कटअफ मूलय १०० रुपैयाँ नै कायम भएको छ । संस्थापक सेयरका लागि जम्मा चार जनाले ७ हजार कित्ता सेयरका लागि आवेदन गरेका थिए । आवेदन गरेका सबैले सेयर मागेजति सेयर प्राप्त गरेका छन् ।
यसै पटक फाइनान्सले सर्वसाधारणले पनि आवेदन गर्न पाउनेगरी लिलामीमा ल्याएपनि निकै कम मात्र संस्थापक सेयरमा आवेदन प्राप्त भएपछि फेरी लिलामीमा आउने भएको छ ।
रिलायन्सले मंसिर २२ देखि माघ १२ गतेसम्म चुक्ता पूँजीको ४५ प्रतिशत बराबरको २३ लाख ६ हजार ५७१ कित्ता हकप्रद निष्काशन गरेको थियो । सो समयमा अवितरित सेयर लिलामी गरेको थियो । हकप्रदपछि फाइनान्सको चुक्ता पूँजी ७४ करोड ३२ लाख रुपैयाँ पुगेको छ । बिहीबार कम्पनीकाे सेयरमूल्य प्रतिकित्ता १२५ रूपैयाँ रहेकाे छ ।
