हकप्रद पश्चात एक अर्ब ५८ करोड ६५ लाख रुपैयाँ चूक्ता पूँजी पुगेकाे प्राइम लाइफकाे बोनस पश्चात एक अर्ब ७८ करोड ४८ लाख रुपैयाँ पुगेको छ । साथै बोनसमा लाग्ने कर प्रयोजनका लागि कम्पनीले ९८ लाख ९४ हजार १०३ रुपैयाँ नगद लभांश वितरणको प्रस्ताव समेत पारित गरेको छ । ११ औं वार्षिक साधारणसभाले संस्थापक शेयरधनीको तर्फबाट प्रतिनिधित्व गर्ने एक जना महिला सञ्चालकको चयन पनि गरेको छ ।
हाल १२५ भन्दा बढी स्थानहरुबाट जीवन बीमा सेवा उपलब्ध गराई रहेको इन्स्योरेन्सले त्यसलाई बढाएर १३५ पुर्याउने भएको छ ।
कम्पनीले चालु आर्थिक बर्षको पुस मसान्तसम्ममा ११ करोड ५१ लाख रुपैयाँ खुद नाफा आर्जन गरेर प्रतिसेयर आम्दानी ३७ रुपैयाँ कायम गरेको छ ।