बीमा समितिको निर्देशन अनुसार ०७५ असारसम्ममा दुई अर्ब चुक्ता पूँजी पुर्याउने क्रममा रहेको एशियन लाइफले एक सय रुपैयाँ अंकित दरका ४० लाख २७ हजार ९६६ कित्ता सेयर बिक्री गरिरहेको छ ।
कम्पनीको शेयर निष्कासन तथा बिक्री प्रबन्धक एनआएबीएल क्यापिटल रहेको छ । कम्पनीका सेयरधनीले एनआएबीएल क्यापिटल, एशियन लाइफ इन्स्योरेन्सका सबै शाखा कार्यालय तथा धितोपत्र बोर्डबाट आस्वा सेवा अनुमति पाएका जुनसुकै बैंक तथा वित्तीय संस्थाहरु मार्फत हकप्रदमा आवेदन गर्न सक्नेछन् ।
कम्पनीको सेयरमा दुई बराबर एकको अनुपातमा आवेदन गर्न सकिने छ । हकप्रद प्रयोजनका लागि कम्पनीले माघ ८ गते शेयरधनी दर्ता पुस्तिका बन्द गरेको थियो । यस अनुसार माघ ७ गतेसम्म नेप्सेमा कारोबार भई कायम रहेका कम्पनीका सेयरधनीले मात्र हकप्रद सेयरका लागि आवेदन गर्न पाउनेछन् ।
हकप्रद निष्काशन पश्चिात कम्पनीको चुक्ता पूँजी एक अर्ब २० करोड ८३ लाख रुपैयाँ पुग्नेछ । बीमा समितिले तोकेको पूँजी पुर्याउन कम्पनीले थप सवा ७९ करोड रुपैयाँ पूँजी बिस्तार गर्नुपर्ने देखिन्छ । इन्स्योरेन्सको सेयर बिहीबार प्रतिकित्ता ५८४ रुपैयाँमा कारोबार भएको छ ।
